Colby: Fólkið í Brasilíu vill að RDA drepi mig

Bardagavikan fyrir stærsta bardagakvöld ársins hjá UFC er hafin. Þá verða rosalegir bardagar á dagskránni.

Aðalbardaginn er titilbardagi í millivigtinni þar sem Robert Whittaker reynir að verja titil sinn gegn Yoel Romero.

Næststærsti bardagi kvöldsins er um bráðabirgðabeltið í veltivigtinni. Þar mætir Brasilíumaðurinn Rafael dos Anjos, RDA, hataðasta manninum í UFC, Colby Covington.

„Ég er kóngurinn í Brasilíu og fólkið þar vill að ég deyi. RDA mun því reyna að drepa mig,“ segir Colby meðal annars í fyrsta þættinum af Embedded sem eru upphitunarþættir fyrir kvöldið stóra sem verður að sjálfsögðu í beinni á Stöð 2 Sport.

Sjá má þáttinn hér að neðan.