Vieira ráðinn stjóri Nice

Fyrrum fyrirliði Arsenal, Patrick Vieira, hefur tekið við starfi knattspyrnustjóra hjá franska liðinu Nice.

Vieira, sem var hluti af hinu goðsagnakennda Arsenal liði sem tapaði ekki leik tímabilið 2003-04 í ensku deildinni, tekur við stjórn liðsins af hinum svissneska Lucian Favre. Favre tók við stjórn Borussia Dortmund í lok maímánaðar.

Frakkinn Vieira, sem spilaði með Manchester City, Inter Milan, Juventus, AC Milan og Cannes ásamt Arsenal á rúmum fimmtán ára leikmannafeli sínum, var ráðinn knattspyrnustjóri New York City í MLS deildinni í ársbyrjun 2016 og eyddi tveimur árum í Bandaríkjunum.

Hann var sterklega orðaður við sitt gamla félag Arsenal eftir að tilkynnt var um brotthvarf Arsene Wenger en félagið réð Unai Emery í hans stað.

Vieira tekur starfslið sitt með sér frá New York til Nice, aðstoðarþjálfaran Chrsitian Lattanzio og þjálfarana Kristian Wilson og Matt Cook.

Official!

Patrick Vieira is the new coach of @ogcnice_eng.#WelcomeCoachVieirapic.twitter.com/CgqkDLxNSw

— OGC Nice  (@ogcnice_eng) June 11, 2018