Arsenal valtaði yfir PSG

Arsenal vann PSG í æfingaleik í Singapúr í dag 5-1. Alexandre Lacazette gerði tvö mörk fyrir Arsenal og Gianluigi Buffon varði mark PSG í leiknum.

Mesut Özil kom Arsenal yfir snemma leiks eftir fyrirgjöf Pierre Emerick-Aubameyang og var það eina mark fyrri hálfleiks.

PSG tók leikinn yfir snemma í seinni hálfleik og uppskar vítaspyrnu á 59. mínútu. Christopher Nkunku fór á punktinn og jafnaði fyrir PSG.

Frakkinn Alexandre Lacazette hafði komið inn í hálfleik og hann setti tvö mörk með fjögurra mínútna millibili stuttu eftir jöfnunarmark PSG. Rob Holding skoraði svo fjórða markið fyrir Arsenal rétt undir lok venjulegs leiktíma og Edward Nketiah bætti því fimmta við í uppbótartíma.

Öruggur sigur Arsenal í Singapúr eftir að hafa tapað í vítapsyrnukeppni gegn Atletico Madrid á fimmtudag.