Hildur Knútsdóttir hætt í VG

Hildur Knútsdóttir fyrrverandi varaþingkona VG og rithöfundur er hætt í flokknum. Þetta kemur fram í færslu sem hún setti á Facebook í dag. Hildur skipaði áttunda sæti á framboðslista flokksins í Reykjavíkurkjördæmi norður fyrir síðustu Alþingiskosningar.

Í færslunni segir Hildur að hún geti ekki verið í flokki sem situr í ríkisstjórn og semji ekki við ljósmæður. Einnig talar hún um heimsókn Piu Kjærsgaard. Hildur segir að það sé fullt af frábæru fólki í VG með hjartað á réttum stað en að hún vilji ekki vera þar lengur.

Færslu Hildar má sjá í heild sinni hér að neðan.