Glódís skoraði í 10-0 sigri Rosengård

Glódís Perla Viggósdóttir skoraði eitt tíu marka Rosengård þegar liðið fór illa með Kalmar í sænsku úrvalsdeildinni í knattspyrnu í dag.

Glódís skoraði annað mark Rosengård í leiknum á 11. mínútu en staðan í hálfleik var 4-0 fyrir liðið. Rosengård gaf síðan ekkert eftir í síðari hálfleik og bætti sex mörkum við.

Anja Mittag og Iva Landeka skoruðu þrjú mörk í hver í leiknum. Sanne Troelsgaard skoraði tvö og Fiona Brown og Glódís skoruðu eitt mark.

Eftir 14 leiki situr Rosengård í öðru sæti deildarinnar með 29 stig, einu stigi á eftir toppliði Piteå sem á leik til góða.

Gengi Kalmar hefur aftur á móti verið afleitt á tímabilinu. Liðið er í botnsæti deildarinnar með þrjú stig, 11 stigum á eftir næsta liði og með mínus 42 mörk í markatölu.