Einn lést og 37 slösuðust vegna troðnings á leik Madagascar og Senegal

Að minnsta kosti einn er látinn og 37 eru slasaðir af völdum troðnings á landsleik Madagascar og Senegal í undankeppni Afríkukeppninnar sem fór fram í dag.



Mikill spenningur var fyrir leik Madagascar og Senegal í undankeppni Afríkumótsins í dag en leikurinn fór fram í Madagascar.



Landslið Madagascar hefur ekki náð miklum árangri á sviði knattspyrnunnar og hefur t.a.m. aldrei komist á stórmót.



En liðið byrjaði af krafti í undankeppninni og vann Súdan á útivelli, 3-1.



Senegal er stórlið í Afríku en liðið var á heimsmeistaramótinu í sumar. Senegal vann einnig sinn fyrsta leik, gegn Miðbaugs-Gíneu og var því um toppslag að ræða.



Alltof mikið af fólki var samankomið til þess að berja augum á toppslaginn sem olli miklum troðningi.



Samkvæmt frönskum miðlum lést einn áður en leikurinn hófst og 37 slösuðust.

 

Madagascar náði í jafntefli í leiknum, 2-2 eftir að hafa lent tvisvar undir. 

 

Tragedy in Madagascar as at least one person is dead and 37 others injured before the game against Senegal.#QAFCON2019pic.twitter.com/lALlr1EvgE

— Nuhu Adams (@NuhuAdams_) September 9, 2018