Pochettino ánægður með spilamennskuna en segir úrslitin grimm

„Ég er ánægður með frammistöðuna. Við réðum yfir leiknum frá upphafi til enda en auðvitað eru úrslitin grimm,” sagði Mauricio Pochettino, stjóri Tottenham, eftir 2-1 tap gegn Inter í Meistaradeildinni.

Þegar fimm mínútur voru eftir af leiknum leiddu gestirnir frá Englandi með einu marki gegn engu en fengu á sig tvö mörk á síðustu fimm mínútunum og töpuðu leiknum.

„Fyrir mér var þetta okkar besta frammistaða frá því í byrjun tímabilsins. Ég er ánægður með frammistöðuna en einnig pirraður því ég tel að liðið átti meira skilið.”

Þetta var þriðja tap Tottenham í röð; tvö í ensku úrvalsdeildinni og nú eitt í Meistaradeildinni. Pochettino segir að þeir þurfi bara að leggja meira á sig.

„Ég held að þú getur bara lagað þetta með því að leggja harðar að þér. Það er enginn önnur leið. Í síðustu leikjum hefur okkur verið refsað fyrir mistök okkar.”

„Þannig er fótboltinn. Við höldum áfram okkar vinnu og reynum að undirbúa okkur fyrir næsta leik,” sagði Pochettino svekktur að lokum.