Digne útskýrir afhverju hann fór til Everton

Það kom einhverjum á óvart er Lucas Digne, vinstri bakvörður Barcelona, ákvað að söðla um og ganga í raðir Everton í ensku úrvalsdeildinni.

„Ég skipti útaf verkefninu sem er í gangi hérna og stjóranum. Þegar ég talaði við stjórann sagði hann mér góða hluti og mér leið vel með þetta,” sagði Digne aðspurður um afhverju hann hafi skipt til Everton.

„Nýja verkefnið leit vel út og við munum sjá hvað gerist í framtíðinni. Stjórinn hefur góða sýn; hann vill spila boltanum og spila sóknarbolta. Mér líkar við þannig fótbolta.”

„Stjórinn er nýr og þú ert með nokkra nýja leikmenn. Við erum með góða blöndu því við höfum reynslumikla leikmenn sem hafa verið hér lengi og við getum lært af þeim til að ná liðinu ofar í töfluna.”

Everton hefur enn ekki tapað leik í ensku úrvalsdeildinni í fyrstu fjórum leikjunum en hefur þó einungis bara unnið einn af fyrstu fjórum leikjunum.

„Ég held að við höfum átt meira skilið. Suma leikina áttum við skilið að vinna en fótboltin er eins og hann er. Við erum þó enn ósigraðir og það er jákvætt. Við verðum að vinna næsta leik til að halda áfram okkar vegferð.”