Gráhærður Van Persie í góðum gír í hollensku deildinni

Robin van Persie er á sínu öðru tímabili með Feyenoord í hollensku deildinni og hefur næstum því jafnan markaskor sitt frá því í fyrra þrátt fyrir að aðeins fjórar umferðir séu búnar af tímabilinu.

Feyenoord hefur unnið þrjá síðustu leiki sína og í þeim hefur Robin van Persie skoraði fjögur mörk sjálfur og lagt upp tvö til viðbótar.

4 mörk í 4 leikjum er ekki slæmt fyrir hinn 35 ára gamla fyrrum leikmann Arsenal og Manchester United.

Robin van Persie skoraði bara 5 mörk í 12 leikjum á síðustu leiktíð en hann kom þá til Feyenoord frá Fenerbahce í janúar.

Robin van Persie: Last 3 Eredivisie apps

Vs Excelsior

Vs Heerenveen

Vs NAC Breda

For more player stats -- https://t.co/DJdXL2Ij7dpic.twitter.com/l52mFRrk3E

— WhoScored.com (@WhoScored) September 10, 2018

Robin van Persie er kannski orðinn gráhærður en hann ætlar að láta til sín taka með Feyenoord á þessu tímabili.

Van Persie spilaði þrjú tímabil með Feyenoord þegar hann var 18 ára til 21 árs en fór síðan til Arsenal sumarið 2004.

Van Persie spilaði í átta tímabil með Arsenal og svo þrjú tímabil með Manchester United áður en hann fór til Fenerbahce í Tyrklandi.

Robin van Persie náði aldrei að verða hollenskur meistari á þremur tímbilum sínum með félaginu í upphafi aldarinnar en nú er að sjá hvort það takist í betur.

Feyenoord er eins og er í 3. sæti með 9 stig, þremur stigum á eftir toppliði PSV Eindhoven og einu stigi á eftir Ajax. Feyenoord endaði í 4. sæti í fyrra.