Svava Rós skoraði í sigri

Landsliðskonan Svava Rós Guðmundsdóttir var á meðal markaskorara í sigri Röa á Grand Bodo í norsku úrvalsdeildinni í fótbolta.

11. mínúta leiksins var hræðileg fyrir heimakonur í Grand Bodo. Fyrst skoraði Rebecka Holum fyrir gestina og mark Svövu Rósar er skráð á sömu mínútu.

Dajana Spasojevic náði að laga stöðuna fyrir heimakonur í seinni hálfleik en það var Therese Asland sem átti lokaorðið og tryggði Röa 3-1 sigur.

Röa er í 6. sæti deildarinnar með 29 stig eftir 19 leiki.