Haukar mæta KA í bikarnum

KA og Haukar mætast í 32 liða úrslitum Coca Cola-bikars karla í handbolta en dregið var til 32 liða úrslitanna í dag.

Reyndar var aðeins dregið í fjórar viðureignir og þau lið sem komu ekki upp úr pottinum sátu hjá ásamt bikarmeisturum ÍBV og silfurliði Selfyssinga.

Fram og Akureyri mætast einnig í fyrstu umferðinni en þau spiluðu mikinn spennuleik í Framhúsinu í Safamýri um síðustu helgi þar sem að Fram vann eins marks sigur.

Hjá konunum er aðeins einn Olís-deildarslagur í 16 liða úrslitum þar sem að HK mætir Haukum en Íslands- og bikarmeistarar Fram sitja hjá. Dregið var í sjö viðureignir.

Leikirnir fara fram 1.-3. nóvember í kvennaflokki en karlarnir spila 7.-8. nóvember.

16 liða úrslit kvenna:

HK - Haukar

Víkingur - ÍBV

Afturelding - KA/Þór

Grótta - Valur

ÍR - FH

Fylkir - Stjarnan

Fjölnir - Selfoss

32 liða úrslit karla:

Grótta - Stjarnan

Hvíti Riddarinn - Víkingur

Fram - Akureyri

KA - Haukar