Fengu fangelsisdóm fyrir aldurssvindl

Tíu unglingalandsliðsmenn Benín og fyrrum formaður knattspyrnusambands þjóðarinnar fengu fangelsisdóm eftir að upp komst að þeir hefðu svindlað á Afríkumóti U-17 ára liða.

Allir tíu leikmennirnir voru eldri en þeir sögðust vera og augljóst að þetta svindl var skipulagt af knattspyrnusambandinu.

Leikmennirnir fengu hálfs árs fangelsisdóm en fimm þeirra eru skilorðsbundnir. Formaðurinn fyrrverandi, Anjorin Mouchrafou, fékk aftur á móti eins árs dóm og þar af tíu mánuði skilorðsbundna.

Benín á þess utan von á mjög hörðum refsingum vegna málsins.