Hailey Baldwin orðin Hailey Bieber á Instagram

Fyrirsætan Hailey Baldwin hefur breytt nafni sínu á Instagram í Hailey Bieber. Grunur hefur leikið á því að hún og kærasti hennar, söngvarinn Justin Bieber, hafi gengið í hjónaband og gefur þessi nafnabreyting orðróminum byr undir báða vængi.

Í október síðastliðnum sótti fyrirsætan um einkarétt á nafninu Hailey Bieber en parið trúlofaði sig í sumar. Þá hefur ekkert fengist staðfest um hvort þau séu í raun gift en greint var frá því í september að Bieber hafi neitað að gera kaupmála því hann hyggst ekki skilja við fyrirsætuna.

Þá hefur Bieber sjálfur sagst ætla minnka við sig vinnu til þess að geta varið meiri tíma með Hailey og því munu aðdáendur þurfa að bíða lengur eftir nýrri tónlist frá söngvaranum vinsæla.

 

 

 

View this post on Instagram

absolute best friend.

A post shared by Hailey Rhode Bieber (@haileybieber) on Aug 19, 2018 at 3:20pm PDT