Franska lögreglan hefur handtekið fimm manns í tengslum við leit að manninnum sem skaut þrjá til bana og særði að minnsta kosti þrettán í skotárás á jólamarkaði í miðborg Strassborgar í gærkvöldi. Átta af þeim slösuðu eru sagðir þungt haldnir.
Um 350 lögreglumenn leita nú árásarmannsins. Lögregla telur að byssumaðurinn sé særður eftir skotbardaga við hermenn í gærkvöldi. Honum tókst að komast undan og er jafnvel talið að hann hafi flúið yfir landamærin til Þýskalands.
Byssumaðurinn er sagður 29 ára gamall innfæddur íbúi Strassborgar. AP-fréttastofan segir að hann hafi verið á sakaskrá og lögreglan hafi fylgst með honum vegna öfgahyggju sem hann snerist til í fangelsi.
Árásin er rannsökuð sem hryðjuverk en ekki liggur fyrir hvað manninum gekk til. Lögreglumenn reyndu að handtaka manninn fyrr um daginn í tengslum við morðtilraun.
Fimm handteknir vegna skotárásarinnar í Strassborg
Tengdar fréttir
Hundruð lögreglumanna leita árásarmannsins í Strassborg
Maðurinn sem drap þrjá og særði tólf til viðbótar á jólamarkaði í gærkvöldi er sagður tæplega þrítugur innfæddur íbúi Strassborgar.
Nokkrir særðir eftir skotárás í Strassborg
Skothvellir heyrðust nærri jólamarkaði.
Tveir látnir og tíu særðir í skotárás í Strassborg
Lögreglan hefur borið kennsl á árásarmanninn en hann gengur enn laus.
