Innkalla Krónu og Bónus chia fræ vegna vírs

Við pökkun á Chia fræjum hjá Nathan & Olsen í dag fannst vír í hráefninu sem verið var að pakka. Framleiðslan var stöðvuð þegar í stað.

Þar sem hráefni í einhverjum framleiðslulotum eru frá sama framleiðanda hefur fyrirtækið ákveðið að innkalla eftirfarandi lotur með hliðsjón af neytendavernd og til að gæta fyllstu varúðar.

Um er að ræða:

Krónan Chia fræ, 500 g merkt sem b.f. 26.09.19

Bónus Chia fræ 400 g með merkingunum bf. 26.09.19, b.t. 08.10.19 og b.f. 06.12.19.

Þeir sem hafa keypt Chia fræ með ofangreindum lotunúmerum eru vinsamlega beðnir að skila þeim inn til Nathan & Olsen hf., Klettagörðum 19 í Reykjavík.