Bein útsending: Hádegisfréttir Stöðvar 2

Í hádegisfréttum Stöðvar 2 og Bylgjunnar sem verður í beinni útsendingu í sjónvarpi skoðum við veðuraðstæður á landinu en stórhríð skellur á eftir hádegi norðaustan til á landinu í dag. Óveður hefur sett svip sinn á samgöngur á landi og í lofti síðan seint í gærkvöldi.

Enn eru gular viðvaranir víða í gildi en verður að mestu gengið yfir Vestanlands nú í hádeginu. Holtavörðuheiði er lokuð og þungfært er víða á fjallvegum. Vegurinn um Þverárfjall og Öxnadalsheiði eru einnig lokaðir og víða er hálka eða þungfært og ættu ferðalangar því fylgjast vel með veðri og færð áður en lagt er af stað.

Björgunarsveitir hafa þegar aðstoðað ökumenn á Holtavörðuheiði og í Súðavíkurhlíð og sinnt útköllum í Vestmannaeyjum svo fátt eitt sé nefnt. Búið er að loka þjóðvegi eitt frá Jökulsárlóni og um Skeiðarársand vegna hvassviðris og er viðbúið að fleiri leiðum verði lokað.

Veðrið verður að mestu gengið yfir í kvöld og líklegt er að flugeldamengun verði talsverð á gamlárskvöld.

Formaður Landssambands slökkviliðs- og sjúkraflutningamanna hafnar þeim orður forstjóra Heilbrigðisstofnunar Suðurlands að fækkun sjúkraflutningamanna á Suðurlandi á nýju ári sé gerð í samráð við fagfélagið. Hann hefur áhyggjur af því að fækkunum mundi skerða aðgang að þjónustunni.

Staðan á vinnumarkaði verður eitt stærsta verkefni ríkisstjórnarinnar á nýju ári að sögn ráðherra. Tillögur að breytingum í þágu umferðaröryggis verða kynntar fljótlega á nýju ári. Ríkisráð kom saman til fundar á Bessastöðum í morgun.

Fikt við flugelda hefur minnkað mikið á síðustu tíu árum og slysum fækkað um helming. Þeir sem leita hvað mest á bráðamóttökuna um áramótin vegna flugeldaslysa eru fullorðnir karlmenn undir áhrifum áfengis. 

Þetta og meira til í hádegisfréttum Stöðvar 2 og Bylgjunnar í opinni dagskrá og beinni útsendingu á slaginu klukkan 12:00