Katrín Tanja enn á toppnum en forskotið minnkaði eftir „Díönu“

Katrín Tanja Davíðsdóttir varð í fjórða sæti í morgun í fimmtu greininni  á CrossFit mótinu „FittestInCapeTown“ sem fer fram í Höfðaborg í Suður-Afríku. 

Katrín Tanja er þar með komin yfir 400 stigin (402 stig) í keppninni og er enn með forystuna sem hún náði með því að vinna þriðju og fjórðu greinina.

Hin ítalska AlessandraPichelli er aftur á móti komin á fleygiferð en hún vann fimmtu greinina sem var skírð eftir kraftakonunni Díönu.

Pichelli fékk sextán stigum meira en Katrín Tanja og hoppaði upp í annað sætið upp fyrir Miu Akerlund.

Nú munar átján stigum á Katrínu Tönju og AlessöndruPichelli en Akerlund er síðan fjórtán stigum á eftir þeirri ítölsku.

Í þessari fimmtu grein sem hét „StrongmanDiane“ eða „Kraftakonan Díana“ þá áttu stelpurnar fyrsta að bera þunga sandpoka 25 metra, svo tóku við endurtekningar af jafnhöttun og armbeygjum í handstöðu og í lokin þurftu þær að draga þungan sleða 25 metra til baka.

Katrín Tanja kláraði þetta á 5:13.72 mínútum en sigurvegarinn AlessandraPichelli kom í mark á 4:32.44 mínútum.

Næsta grein heitir „TheTrap 2019“ eða „Gildran 2019“