Fékk rautt spjald fyrir að fagna sigurmarki sínu

Það getur verið dýrkeypt að fagna mörkum sínum of mikið en því kynntist hetja helgarinnar í skoska fótboltanum.

Celtic liðið steig stórt skref í átta að skoska meistaratitlinum í knattspyrnu eftir 1-0 útisigur á Kilmarnock í gær. Það varð hins vegar miklar afleiðingar fyrir hetju liðsins að fagna sigurmarki sínu.

Scott Brown scored a dramatic late winner for Celtic against Kilmarnock... but was then shown a red

Watch  https://t.co/zZJtGmcxZu#BBCFootball#CelticFC#KilmarnockCelticpic.twitter.com/3G0gEtR51K

— BBC Sport (@BBCSport) February 18, 2019

Scott Brown, fyrirliði Celtic, var hetja síns leiks þegar hann skoraði eina mark leiksins á 90. mínútu eftir að boltinn datt fyrir hann í teignum eftir hornspyrnu.

Scott Brown er mun þekktari fyrir að láta finna fyrir sér inn á miðju liðsins en að láta til sín taka í markaskorun. Þetta var fyrsta deildarmark hans á tímabilinu og það kom á úrslitastundu í erfiðum útileik sterku liði í efri hluta deildarinnar.  

Scott Brown sees red for celebration after scoring late winner for Celtic https://t.co/bmhSgHuR9y

— Guardian sport (@guardian_sport) February 17, 2019

Markið var vissulega mjög mikilvægt enda leiktíminn hreinlega að renna út og fyrir vikið er Celtic búið að ná átta stiga forskoti á nágranna og erkifjendur sína í Rangers.

Scott Brown fagnaði líka markinu sínu vel og hljóp til hörðustu stuðningsmanna Celtic liðsins voru heldur betur sáttir með sinn mann.

Brown var hins vegar búinn að fá gult spjald fyrr í leiknum og fékk sitt annað gula spjald frá dómara leiksins fyrir óhófleg fagnaðarlæti. Hann var því ekki inn á vellinum þegar leikurinn var flautaður á að nýju.

Það má sjá markið og fagnaðarlæti Scott Brown hér fyrir neðan.

—Scores winner in last minute

—Sent off for celebrating in the away end

Worth it for Scott Brown pic.twitter.com/ojD5Wqd8ec

— B/R Football (@brfootball) February 17, 2019