Jafnt hjá Ögmundi og félögum en Elmar og Kjartan í tapliði

Þrír íslenskir knattspyrnumenn voru að ljúka keppni með liðum sínum nú rétt í þessu þar sem Kjartan Henry Finnbogason (Danmörk), Theodór Elmar Bjarnason (Tyrkland) og Ögmundur Kristinsson (Grikkland) voru í eldlínunni.

Ögmundur stóð á milli stanganna hjá Larissa þegar liðið gerði 1-1 jafntefli við Xanthi í grísku úrvalsdeildinni. Ögmundur og félagar í 9.sæti deildarinnar en aðeins eru tvö stig niður í fallsvæðið.

Kjartan Henry Finnbogason lék fyrsta klukkutímann með Vejle sem beið lægri hlut fyrir OB í dönsku úrvalsdeildinni, 1-0.

Þá lék Theodór Elmar Bjarnason allan leikinn á miðju Gazisehir Gaziantep þegar liðið tapaði 1-0 fyrir Altinordu í tyrknesku B-deildinni.