Eldur í hafnfirskum ruslahaug

Allt tiltækt slökkvilið var kallað að Hringhellu í Hafnarfirði um klukkan hálfellefu í gærkvöldi þegar reyk tók að leggja yfir Vellina og sást reykurinn vel frá Reykjanesbraut.

Varðstjóri hjá slökkviliði höfuðborgarsvæðisins segir að í fyrstu hafi virst sem um mikinn eld væri að ræða en við nánari skoðun kom í ljós að um eld í ruslahaug fyrir utan húsnæðið var að ræða.

Þá var megnið af liðinu sent til baka en lið frá tveimur stöðvum varð eftir til að slökkva í haugnum, sem tók um hálftíma.