Iðkendur skjálfa í of kaldri innisundlaug Sigurður Mikael Jónsson skrifar 30. maí 2019 07:30 Sundgestir hafa kvartað undan hitastiginu í kennslulauginni í Mýrinni og loftræstingu. Þessar létu þó engan bilbug á sér finna. Fréttablaðið/Ernir Skjálfandi sundkrakkar jafnt sem fullorðið fólk í vatnsleikfimi kvarta sáran undan kulda í innisundlauginni Mýrinni í Garðabæ. Guðríður Jóna Örlygsdóttir íþróttakennari sem hefur sérhæft sig í þjálfun fullorðinna einstaklinga í vatnsleikfimi, biðlar til bæjaryfirvalda að ráðast í úrbætur á lauginni því kúnnar hennar flýi nú kuldann. Yfirvöld í bænum segja að verið sé að vinna að lausn vandans með hönnun og endurnýjun á loftræstisamstæðu sundlaugarinnar. Erindi Guðríðar Jónu var lagt fram á fundi bæjarráðs Garðabæjar á þriðjudag. Þar segist hún hafa verið með starfsemi í Mýrinni frá árinu 2007 við að kenna fólki vatnsleikfimi. Fólki með hreyfiskerðingu eða minnkandi getu til þjálfunar vegna stoðkerfisverkja, gigtarsjúkdóma eða slysa. Hitastig laugar og loftræsting í húsinu hafi þó verið versnandi vandamál. Í byrjun var hún í kringum 31-31,5 gráður sem þyki mikið til þjálfunar en á móti hafi komið að loftið var frekar kalt og rakt svo það jafnaðist út. „Á síðastliðnum árum hefur laugin verið kæld töluvert, á sama tíma hefur loftræstingin ekki verið lagfærð til að koma til móts við laugarhitann og andrúmsloftið hefur farið versnandi. Mælitæki á vegg sundlaugar sýna að vatnið sé á bilinu 29,2-29,6 en með vatnsmæli ofan í laug mælist raunhiti laugarinnar núna um 28 gráður. Úr loftinu kemur svo ískaldur, rakur gustur, sem er verulega óþægilegt fyrir axlir og brjóstkassa sem standa upp úr vatninu. Það er auðvitað augljóst að þetta er ekki einungis slæmt fyrir fólk, heldur er þetta ekki gott fyrir húsnæðið sjálft, of mikill raki leiðir auðvitað til margvíslegra vandamála,“ segir Guðríður í erindi sínu. Þar kveðst hún hafa fengið þau svör að lítið sé hægt að gera. Loftræstikerfið anni ekki því sem það á að gera. Yfirmaður sunddeildar Stjörnunnar hafi einnig verið henni sammála um að úrbóta væri þörf og það fyrir löngu. „Yngstu iðkendurnir hjá sunddeildinni eru oft skjálfandi og kaldir meðan á æfingum stendur þannig að ánægjan af sundiðkun verður ekki sem skyldi. Íþróttakennarar skólanna hafa einnig lengi kvartað undan lélegum loftgæðum, raki í sundlaugarsalnum er allt of mikill og loftið þungt. Búningsklefarnir eru kaldir og óþægilegt að koma þar inn eftir veruna í sundlauginni. Þetta ástand hefur farið versnandi nú seinnipart vetrar. Aldrei fyrr hef ég heyrt jafn margar kvartanir um kulda og óþægindi og því miður hafa fjölmargir hætt í þjálfun hjá mér vegna þessara aðstæðna,“ segir Guðríður sem kveðst hafa fengið þær upplýsingar að Starfsendurhæfingin Virk, sem hún hafi átt í samstarfi við, sé farin að fækka verulega beiðnum til hennar vegna kuldans. „Ég veit að allir helstu fræðingar bæjarins á þessu sviði vita af vandamálinu og hafa gert í mörg ár. Með þessu bréfi vil ég hvetja til þess að varanlegar útbætur verði gerðar sem allra fyrst.“ Bæjarráð færir til bókar á fundi sínum svör bæjarverkfræðings sem boðar endurnýjun á búnaði. Birtist í Fréttablaðinu Garðabær Stjórnsýsla Sundlaugar Mest lesið Leigubílstjóri og vinur hans dæmdir fyrir nauðgun Innlent „Vladímír, HÆTTU!“ Erlent Árásarmaðurinn trúverðugur en sá sem var stunginn misvísandi Innlent Umræða um gróf kynferðisbrot eigi ekki að snúast um þjóðerni gerenda Innlent Meintir hópnauðgarar á bannlista skemmtistaðar Innlent Einn handtekinn þegar sérsveitin aðstoðaði í Árnessýslu Innlent Hafa vísað hundrað leigubílstjórum á brott frá flugstöðinni vegna brota á reglum Innlent Sýknaður af ákæru fyrir kynferðisáreitni gegn barni Innlent Svara ákalli foreldra Innlent Dæmdur kardínáli segist mega kjósa næsta páfa Erlent Fleiri fréttir Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Tíufréttir heyra sögunni til Sjá meira
Skjálfandi sundkrakkar jafnt sem fullorðið fólk í vatnsleikfimi kvarta sáran undan kulda í innisundlauginni Mýrinni í Garðabæ. Guðríður Jóna Örlygsdóttir íþróttakennari sem hefur sérhæft sig í þjálfun fullorðinna einstaklinga í vatnsleikfimi, biðlar til bæjaryfirvalda að ráðast í úrbætur á lauginni því kúnnar hennar flýi nú kuldann. Yfirvöld í bænum segja að verið sé að vinna að lausn vandans með hönnun og endurnýjun á loftræstisamstæðu sundlaugarinnar. Erindi Guðríðar Jónu var lagt fram á fundi bæjarráðs Garðabæjar á þriðjudag. Þar segist hún hafa verið með starfsemi í Mýrinni frá árinu 2007 við að kenna fólki vatnsleikfimi. Fólki með hreyfiskerðingu eða minnkandi getu til þjálfunar vegna stoðkerfisverkja, gigtarsjúkdóma eða slysa. Hitastig laugar og loftræsting í húsinu hafi þó verið versnandi vandamál. Í byrjun var hún í kringum 31-31,5 gráður sem þyki mikið til þjálfunar en á móti hafi komið að loftið var frekar kalt og rakt svo það jafnaðist út. „Á síðastliðnum árum hefur laugin verið kæld töluvert, á sama tíma hefur loftræstingin ekki verið lagfærð til að koma til móts við laugarhitann og andrúmsloftið hefur farið versnandi. Mælitæki á vegg sundlaugar sýna að vatnið sé á bilinu 29,2-29,6 en með vatnsmæli ofan í laug mælist raunhiti laugarinnar núna um 28 gráður. Úr loftinu kemur svo ískaldur, rakur gustur, sem er verulega óþægilegt fyrir axlir og brjóstkassa sem standa upp úr vatninu. Það er auðvitað augljóst að þetta er ekki einungis slæmt fyrir fólk, heldur er þetta ekki gott fyrir húsnæðið sjálft, of mikill raki leiðir auðvitað til margvíslegra vandamála,“ segir Guðríður í erindi sínu. Þar kveðst hún hafa fengið þau svör að lítið sé hægt að gera. Loftræstikerfið anni ekki því sem það á að gera. Yfirmaður sunddeildar Stjörnunnar hafi einnig verið henni sammála um að úrbóta væri þörf og það fyrir löngu. „Yngstu iðkendurnir hjá sunddeildinni eru oft skjálfandi og kaldir meðan á æfingum stendur þannig að ánægjan af sundiðkun verður ekki sem skyldi. Íþróttakennarar skólanna hafa einnig lengi kvartað undan lélegum loftgæðum, raki í sundlaugarsalnum er allt of mikill og loftið þungt. Búningsklefarnir eru kaldir og óþægilegt að koma þar inn eftir veruna í sundlauginni. Þetta ástand hefur farið versnandi nú seinnipart vetrar. Aldrei fyrr hef ég heyrt jafn margar kvartanir um kulda og óþægindi og því miður hafa fjölmargir hætt í þjálfun hjá mér vegna þessara aðstæðna,“ segir Guðríður sem kveðst hafa fengið þær upplýsingar að Starfsendurhæfingin Virk, sem hún hafi átt í samstarfi við, sé farin að fækka verulega beiðnum til hennar vegna kuldans. „Ég veit að allir helstu fræðingar bæjarins á þessu sviði vita af vandamálinu og hafa gert í mörg ár. Með þessu bréfi vil ég hvetja til þess að varanlegar útbætur verði gerðar sem allra fyrst.“ Bæjarráð færir til bókar á fundi sínum svör bæjarverkfræðings sem boðar endurnýjun á búnaði.
Birtist í Fréttablaðinu Garðabær Stjórnsýsla Sundlaugar Mest lesið Leigubílstjóri og vinur hans dæmdir fyrir nauðgun Innlent „Vladímír, HÆTTU!“ Erlent Árásarmaðurinn trúverðugur en sá sem var stunginn misvísandi Innlent Umræða um gróf kynferðisbrot eigi ekki að snúast um þjóðerni gerenda Innlent Meintir hópnauðgarar á bannlista skemmtistaðar Innlent Einn handtekinn þegar sérsveitin aðstoðaði í Árnessýslu Innlent Hafa vísað hundrað leigubílstjórum á brott frá flugstöðinni vegna brota á reglum Innlent Sýknaður af ákæru fyrir kynferðisáreitni gegn barni Innlent Svara ákalli foreldra Innlent Dæmdur kardínáli segist mega kjósa næsta páfa Erlent Fleiri fréttir Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Tíufréttir heyra sögunni til Sjá meira