Rodgers búinn að klófesta Perez

Sóknarmaðurinn Ayoze Perez er orðinn leikmaður Leicester City. Hann kemur frá Newcastle fyrir 30 milljónir punda.

Perez er 25 ára og skoraði tólf mörk fyrir Newcastle á síðasta tímabili í ensku úrvalsdeildinni. Hann kom til Newcastle árið 2014 og á þeim tíma gerði hann 48 mörk í 195 leikjum fyrir félagið.

Hann gerir fjögurra ára samning við Leicester.

pic.twitter.com/bbKGPvloxz

— Leicester City (@LCFC) July 4, 2019

„Ég er mjög ánægður og stoltur af því að vera hluti af Leicesterfjölskyldunni. Ég get ekki beðið eftir því að byrja,“ sagði Perez við miðla Leicester.

Perez er annar maðurinn sem Brendan Rodgers fær til sín hjá Leicester, fyrir hafði félagið náð í James Justin frá Luton.