Leikari Stranger Things opnar sig um erfiðleika í æsku: „Ég var feitlaginn strákur sem elskaði leiklist“

Ástralski leikarinn Dacre Montgomery sem fer með hlutverk Billy Hargrove í þáttunum Stranger Things sem streymisveitan Netflix framleiðir opnaði sig upp á gátt í pistli sem hann birti á Instagram í gærkvöldi.

Þrátt fyrir að hafa átt góðu gengi að fagna undanfarin ár hefur líf Montgomerys ekki alltaf verið dans á rósum. Í pistlinum segir hann frá erfiðleikum í æsku. Hann hafi verið gjörsamlega ráðvilltur. Grunnskólaárin hefðu verið honum sérstaklega erfið.

„Ég var feitlaginn strákur sem elskaði leiklist“.

Montgomery sagðist ekki hafa fengið góðar einkunnir, ekki verið vinsæll á meðal krakkanna og hefðbundnar íþróttir áttu ekki fyrir honum að liggja. Þá hafi stelpurnar ekki haft neinn áhuga á honum.

„Ég þjáðist af kvíðaröskun frá unga aldri. Ég var viðutan og hafði enga einbeitingu. En ég átti mér draum, ég var heppinn – ég vissi hvað ég vildi gera. Á hverju einasta kvöldi fór ég heim og einbeitti mér eingöngu að ÞESSU.“

Montgomery sagðist hafa fallið á inntökuprófi í leiklistardeild skólans þegar hann var 15 ára og honum sagt að hann yrði að léttast. Hann sagði að honum hafi í sífellu verið sagt að draumur hans yrði aldrei að veruleika. Það væri fjarstæðukennt að hann gæti orðið leikari.

Montgomery segist aldrei hafa hætt að þrá leiklistina og aldrei hætt að vera forvitinn. Hann hafi ekki leyft mistökum að draga úr sér kjarkinn.

„Ég trúði á sjálfan mig og leyfði aldrei neinum að telja mér trú um annað. Þú getur gert allt sem þig langar til að gera,“ skrifar Montgomery sem hvetur fylgjendur sína til að fara að sínu fordæmi; leyfa sér að langa og dreyma og í kjölfarið telja í sig kjark og láta draumana verða að veruleika.

Netflix greindi frá því á dögunum að nýja þáttaröðin af Stranger Things hefði slegið áhorfsmet en hún fór í loftið þann 4. júlí síðastliðinn en síðan þá hafa rúmlega 40 milljónir horft á þættina.

 

 

 

 

View this post on Instagram

When I was a kid, I was lost. I had a really tough time in school. I was a big kid who loved drama. I never got passing grades, I wasn’t popular or a gifted sports player. Girls were never interested in me. I suffered from anxiety from a young age. I was distracted and I wasn’t focused. But I had a dream, I was lucky - I knew what I wanted to do. And every night I went home and I focused on THAT. I visualised a future where my dreams became a reality. When I was 15 I failed my high school drama exams. When I was 16 I was told I needed to loose weight. When I was 17 I was told I should go to drama school and train. When I was 18 I was fired from my job. When I was in drama school I was told to leave. When I had a DREAM - I was told it wasn’t achievable. Well, you know what.... I lost weight, I went to drama school and I never stopped wanting it, I never stopped being curious. I never let the failures get me down. Because I believed in myself and I never let anyone tell me otherwise. You can do anything you set your mind to. So, go out there and get it!

A post shared by Dacre Montgomery (@dacremontgomery) on Jul 22, 2019 at 11:26am PDT