Selfoss fjarlægðist falldrauginn

Selfoss er í fjórða sæti Pepsi Max-deildar kvenna, einu stigi á eftir Þór/KA, eftir 2-0 sigur á HK/Víkingi á heimavelli í kvöld.

Grace Rapp kom Selfoss yfir á níundu mínútu leiksins og á 30. mínútu tvöfaldaði Barbára Sól Gísladóttir forystuna.

Ekkert mark var skorað í síðari hálfeik og lokatölur 2-0 sigur Selfyssinga sem lyfta sér því fjær falldraugnum með sigrinum.

Þær eru í fjórða sætinu með nítján stig en nú eru níu stig niður í fallsæti. HK/Víkingur er hins vegar á botninum með sjö stig, þremur stigum frá öruggu sæti.

Úrslit og markaskorarar eru frá úrslit.net.