KR lyfti sér upp töfluna en ÍBV tveimur stigum frá fallsæti

KR vann 4-1 sigur á ÍBV er liðin mættust í Vestmannaeyjum í kvöld. Leikurinn var liður í 13. umferð Pepsi Max-deildar kvenna.

Katrín Ómarsdóttir skoraði úr vítaspyrnu og kom KR yfir strax á fyrstu mínútu en á 30. mínútu fékk ÍBV vítaspyrnu. Úr spyrnunni skoraði Brenna Lovera.

KR skoraði hins vegar tvö mörk fyrir hlé. Guðmunda Brynja Óladóttir kom KR yfir á 32. mínútu og á lokamínútu fyrri hálfleiks skoraði Katrín Ómarsdóttir þriðja markið.

Guðmunda Brynja var ekki hætt því hún skoraði annað mark sitt og fjórða mark KR á 60. mínútu. Clara Sigurðardóttir minnkaði muninn í uppbótartíma en lokatölur 4-2 sigur KR. Mikilvægur var hann enda fallbaráttan rosaleg í Pepsi Max-deildinni.

Eftir sigurinn er KR í sjötta sæti deildarinnar en liðið er með þrettán stig. ÍBV er í áttunda sætinu, tveimur stigum frá fallsæti, svo það er fallbarátta hjá karla- og kvennaliði ÍBV.

Úrslit og markaskorara eru fengnir frá úrslit.net.