Lögreglan lýsir eftir karlmanni

Lögreglan á Akureyri lýsir eftir Adam Kulesza, pólskum ríkisborgar,a sem ekkert hefur spurst til síðan 13. ágúst síðastliðinn.

Frá þessu er greint á Facebook-síðu lögreglunnar á Norðurlandi eystra þar sem kemur fram að Adam sé 28 ára gamall, um 1.93 sentimetrar á hæð og í kringum 85 kíló.

Hann er snoðklipptur/stuttklipptur og var síðast klæddur í grá Nike föt, peysu og buxur og appelsínugula/svarta og gráa úlpu. Síðast sást til hans á Akureyri.

Ef einhver hefur orðið var við Adam, þá vinsamlega hafið samband við lögregluna á Akureyri í síma 444-2800 eða 112 og óskið eftir að fá samband við lögreglu.