Erlent

Skotinn til bana eftir að hafa haldið 37 í gíslingu

Andri Eysteinsson skrifar
Á myndinni sést brúin þar sem maðurinn hélt 37 í gíslingu.
Á myndinni sést brúin þar sem maðurinn hélt 37 í gíslingu. Getty/Brazil Photos
Karlmaður sem tók 37 rútufarþega í gíslingu á brú í Ríó de Janeiro í Brasilíu í gær var skotinn til bana af leyniskyttu í aðgerðum lögreglu. CNN greinir frá.

Maðurinn, sem kvaðst vera herlögreglumaður, stöðvaði rútuna með valdi á Rió-Niterói brúnni sem tengir borgirnar Ríó de Janeiro og Niterói. Maðurinn var vopnaður og hótaði að kveikja í rútunni á brúnni yfir Guanarabaflóa.

Samningamönnum lögreglunnar tókst að fá manninn til þess að veita sex gíslum frelsi áður en að leyniskytta úr sérsveit lögreglunnar skaut manninn til bana. Engum gíslanna 31 sem eftir voru í rútunni varð meint af.

Brasilía

Mest lesið


Fleiri fréttir

Sjá meira


×

Mest lesið