Real Madrid vill fá Sterling næsta sumar

Real Madrid vill fá enska landsliðsmanninn Raheem Sterling frá Manchester City fyrir næsta tímabil.

Samkvæmt heimildum The Athletic fundaði umboðsmaður Sterlings með forráðamönnum Real Madrid í sumar.

Sterling ku vera opinn fyrir því að leika með Real Madrid í framtíðinni.

Enski landsliðsmaðurinn hefur byrjað tímabilið af krafti og skorað fimm mörk í fimm leikjum í ensku úrvalsdeildinni. Hann sat allan tímann á varamannabekknum þegar City rústaði Watford á laugardaginn, 8-0.

Real Madrid vann 0-1 útisigur á Sevilla í gær. Real Madrid er í 2. sæti spænsku úrvalsdeildarinnar með ellefu stig, jafn mörg og topplið Athletic Bilbao.