Hlaupinu í Múlakvísl er lokið og rafleiðni er komin í eðlilegt horf miðað við árstíma. Þá hefur rennsli einnig minnkað. Þetta kemur fram á vef Veðurstofu Íslands, nú rétt í þessu.
Mikil gasmengun fylgdi hlaupinu, sem stóð yfir í rúma viku, og var þeim tilmælum beint til almennings að staldra ekki við nálægt ánni. Þá væri heldur ekki ráðlegt að vera nálægt upptökum hennar.
Hlaup af þessari stærðargráðu og er nýlokið er vel þekkt í Múlakvísl. Veðurstofan, almannavarnir og viðbragðsaðilar hafa fylgst grannt með svæðinu frá því hlaupið hófst.
Hlaupinu í Múlakvísl lokið
Tengdar fréttir
Fólk þarf að vera á varðbergi í Þakgili í dag
Veðurstofan varar fólk við að vera nærri upptökum Múlakvíslar vegna jarðhitaleka undan jökli. Brennisteinsmengun er yfir heilsuverndarmörkum en eiginlegt hlaup er ekki hafið
Mikil gasmengun fylgir hlaupi í Múlakvísl
Ef fólk finnur fyrir einkennum, svo sem sviða í nefi eða augum, á að yfirgefa svæðið strax
Jarðhitavatn lekur í Múlakvísl
Rafleiðni hefur hækkað jafnt og þétt síðustu tvo daga.
Enn varhugavert að staldra við nálægt Múlakvísl
Mikil gasmengun fylgir hlaupinu sem nú stendur yfir í Múlakvísl en það hefur ekki náð hámarki og gæti vaxið.
