Dælubílar sendir út vegna tveggja umferðaróhappa

Slökkviliðið sinnir nú tveimur útköllum vegna umferðarslysa, annars vegar á Reykjanesbraut við Smáralind og hins vegar við Reykjavíkurveg í Hafnarfirði.

Samkvæmt upplýsingum frá slökkviliðinu er um þriggja bíla árekstur að ræða á báðum stöðum.

Engar upplýsingar hafa borist um slys á fólki en mikið brak er við áreksturinn á Reykjanesbrautinni. Töluvert tjón varð á bílunum þar sem annar virðist hafa farið undir hinn við áreksturinn og var sjúkrabíll sendur á vettvang.

Slökkviliðið sendi dælubíl á vettvang til þess að skoða aðstæður, bæði í Hafnarfirði og á Reykjanesbrautinni. Mikil umferðarteppa hefur myndast enda margir á leið úr vinnu og mega þeir sem eiga leið þar hjá á bíl eiga von á einhverjum töfum á umferð.