Tyrkir miða á fangelsi sem vista ISIS-liða Kristinn Haukur Guðnason skrifar 11. október 2019 08:00 Sýrlenski stjórnarherinn berst með Tyrkjum gegn Kúrdum. Vísir/getty sýrland Tyrkir fylgdu eftir loftárásum og árásum stórskotaliðs með landhernaði á miðvikudagskvöld. Sprengjuárásir halda þó enn áfram, bæði dag og nótt. Að minnsta kosti 60 þúsund Kúrdar, búsettir nálægt landamærunum, flýja nú heimili sín og halda suður á bóginn. Meginþungi innrásarinnar er á miðjum landamærunum, á milli borganna Ras al-Ain og Tal Abyad. Talsmenn tyrkneska hersins segjast þegar hafa tekið yfir nokkra staði sem þeir töldu hernaðarlega mikilvæga og nokkur þorp austan við Tal Abyad. Við báðar borgirnar hafa herir Tyrkja og Kúrda lent í beinum átökum. Sprengjum hefur einnig verið beint að Qamishli-fangelsinu í austurhluta landsins, en það er eitt af þremur stórum fangelsum þar sem ISIS-liðar eru vistaðir. Yfirvöld Kúrda segja að Tyrkir geri þetta til þess að reyna að sleppa þeim út og skapa glundroða á svæðinu. Racip Erdogan, forseti Tyrklands, hefur hins vegar heitið því að komist fangelsin undir stjórn Tyrkja verði engin breyting á stöðu ISIS-liðanna. Þeim verði haldið þar til hægt er að framselja þá til viðkomandi heimalanda. Erdogan hefur einnig sagt að tilgangurinn með innrásinni sé að skapa frið og mynda 32 kílómetra breitt öryggissvæði, laust við vopnaða Kúrda, við landamærin og flytja þangað eina milljón sýrlenskra flóttamanna, sem nú dvelja í Tyrklandi. Í gær hótaði Erdogan að senda alla flóttamennina, 3,6 milljónir talsins, til Evrópu ef innrásin yrði skilgreind sem hernám af Evrópusambandinu. Enn er óljóst hversu margir óbreyttir Kúrdar hafa látist en 100 kúrdískir hermenn hafa fallið. Þá hafa að minnsta kosti 15 Tyrkir og sýrlenskir málaliðar fallið í bardögum. Til að svara innrásinni hafa Kúrdar skotið loftskeytum yfir landamærin á tyrkneskar borgir, þar á meðal Akcakale þar sem búa tæplega 30 þúsund manns. Samkvæmt tyrkneskum yfirvöldum hafa tvö börn látist í Akcakale. Íslensk stjórnvöld ítrekuðu í gær þá gagnrýni sem Guðlaugur Þór Þórðarson utanríkisráðherra hafði þegar sett fram og lýstu því yfir að náið yrði fylgst með ástandinu í Sýrlandi. „Íslensk stjórnvöld gagnrýna harðlega hernaðaraðgerðir Tyrkja gegn Kúrdum í Sýrlandi og hafa komið þeirri afstöðu sinni á framfæri við tyrknesk yfirvöld með formlegum hætti. Hernaðaraðgerðirnar samræmast ekki alþjóðalögum og er þess krafist að Tyrkir hætti aðgerðunum þegar í stað og fylgi alþjóðalögum í hvívetna. Hernaður sem beinist að almennum borgurum og veldur manntjóni, eins og fregnir herma, er fordæmdur,“ segir í yfirlýsingunni. Þá harma UNICEF á Íslandi einnig innrásina og lýsa yfir þungum áhyggjum af henni. „Það verður aldrei sagt nógu oft að börn í Sýrlandi bera enga ábyrgð á þessum stríðsátökum en eins og við vitum þá verða það fyrst og fremst þau sem munu þjást af þeirra völdum. Það er nóg komið af blóðbaði. Íslendingar eiga að segja stopp og saman getum við haft áhrif,“ segir Bergsteinn Jónsson framkvæmdastjóri. Fjölmargir þjóðarleiðtogar hafa fordæmt innrásina og lýst yfir áhyggjum af mannfalli og hugsanlegri upprisu ISIS. Einnig hafa Sameinuðu þjóðirnar, Evrópusambandið, NATO og Arababandalagið harmað innrásina. „Hundruð þúsunda óbreyttra borgara í norðurhluta Sýrlands eru í hættu. Almenningur og innviðir sem þjóna honum mega ekki verða skotmark,“ sagði Filippo Grandi, yfirmaður Sameinuðu þjóðanna í málefnum flóttafólks. Átök Kúrda og Tyrkja Birtist í Fréttablaðinu Sýrland Tyrkland Mest lesið Kýldi konu eftir kynmök: „Hvað, getur þú ekki meira?“ Innlent Erlendur ferðamaður féll í Brúará Innlent Slævandi lyf og lágt sætisbak dráttarvélar orsakir banaslyss Innlent Stafræn skírteini hætta í símaveskjum Innlent „Erum ekki dúkkur sem Snorri getur sagt fyrir verkum“ Innlent Íbúar leiti réttar síns vegna flautsins: „Þetta er lýðheilsuógn“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Ein á móti rýmkuðu sorgarleyfi Innlent Dæmdur í 21 árs fangelsi fyrir að nauðga tugum skjólstæðinga Erlent Ásthildur Lóa skammar þingheim Innlent Fleiri fréttir Engin sátt í sjónmáli: Trump vill selja Tesluna Klóra sér í kollinum yfir stórri reikistjörnu á braut um litla stjörnu Reyna að stilla til friðar með símtali Dæmdur í 21 árs fangelsi fyrir að nauðga tugum skjólstæðinga Bras á breska Umbótaflokknum þrátt fyrir velgengnina Brotlentu öðru einkafari á tunglinu Fyrirsjáanlegar deilur: Valdamesti maður heims og sá ríkasti hnakkrífast Eldar loguðu í Kænugarði eftir umfangsmiklar árásir Rússa Segir nafn Trumps vera í Epstein-skjölunum Trump segist „mjög vonsvikinn“ út í Elon og ekki viss um að þeir geti átt gott samband Ákærð fyrir að myrða táning en líkið enn ófundið Sagður verulega ósáttur við gagnrýni Musks Fíll ruddist inn í matvöruverslun Bannar nú erlenda nemendur í Harvard á grunni þjóðaröryggis Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Sjá meira
sýrland Tyrkir fylgdu eftir loftárásum og árásum stórskotaliðs með landhernaði á miðvikudagskvöld. Sprengjuárásir halda þó enn áfram, bæði dag og nótt. Að minnsta kosti 60 þúsund Kúrdar, búsettir nálægt landamærunum, flýja nú heimili sín og halda suður á bóginn. Meginþungi innrásarinnar er á miðjum landamærunum, á milli borganna Ras al-Ain og Tal Abyad. Talsmenn tyrkneska hersins segjast þegar hafa tekið yfir nokkra staði sem þeir töldu hernaðarlega mikilvæga og nokkur þorp austan við Tal Abyad. Við báðar borgirnar hafa herir Tyrkja og Kúrda lent í beinum átökum. Sprengjum hefur einnig verið beint að Qamishli-fangelsinu í austurhluta landsins, en það er eitt af þremur stórum fangelsum þar sem ISIS-liðar eru vistaðir. Yfirvöld Kúrda segja að Tyrkir geri þetta til þess að reyna að sleppa þeim út og skapa glundroða á svæðinu. Racip Erdogan, forseti Tyrklands, hefur hins vegar heitið því að komist fangelsin undir stjórn Tyrkja verði engin breyting á stöðu ISIS-liðanna. Þeim verði haldið þar til hægt er að framselja þá til viðkomandi heimalanda. Erdogan hefur einnig sagt að tilgangurinn með innrásinni sé að skapa frið og mynda 32 kílómetra breitt öryggissvæði, laust við vopnaða Kúrda, við landamærin og flytja þangað eina milljón sýrlenskra flóttamanna, sem nú dvelja í Tyrklandi. Í gær hótaði Erdogan að senda alla flóttamennina, 3,6 milljónir talsins, til Evrópu ef innrásin yrði skilgreind sem hernám af Evrópusambandinu. Enn er óljóst hversu margir óbreyttir Kúrdar hafa látist en 100 kúrdískir hermenn hafa fallið. Þá hafa að minnsta kosti 15 Tyrkir og sýrlenskir málaliðar fallið í bardögum. Til að svara innrásinni hafa Kúrdar skotið loftskeytum yfir landamærin á tyrkneskar borgir, þar á meðal Akcakale þar sem búa tæplega 30 þúsund manns. Samkvæmt tyrkneskum yfirvöldum hafa tvö börn látist í Akcakale. Íslensk stjórnvöld ítrekuðu í gær þá gagnrýni sem Guðlaugur Þór Þórðarson utanríkisráðherra hafði þegar sett fram og lýstu því yfir að náið yrði fylgst með ástandinu í Sýrlandi. „Íslensk stjórnvöld gagnrýna harðlega hernaðaraðgerðir Tyrkja gegn Kúrdum í Sýrlandi og hafa komið þeirri afstöðu sinni á framfæri við tyrknesk yfirvöld með formlegum hætti. Hernaðaraðgerðirnar samræmast ekki alþjóðalögum og er þess krafist að Tyrkir hætti aðgerðunum þegar í stað og fylgi alþjóðalögum í hvívetna. Hernaður sem beinist að almennum borgurum og veldur manntjóni, eins og fregnir herma, er fordæmdur,“ segir í yfirlýsingunni. Þá harma UNICEF á Íslandi einnig innrásina og lýsa yfir þungum áhyggjum af henni. „Það verður aldrei sagt nógu oft að börn í Sýrlandi bera enga ábyrgð á þessum stríðsátökum en eins og við vitum þá verða það fyrst og fremst þau sem munu þjást af þeirra völdum. Það er nóg komið af blóðbaði. Íslendingar eiga að segja stopp og saman getum við haft áhrif,“ segir Bergsteinn Jónsson framkvæmdastjóri. Fjölmargir þjóðarleiðtogar hafa fordæmt innrásina og lýst yfir áhyggjum af mannfalli og hugsanlegri upprisu ISIS. Einnig hafa Sameinuðu þjóðirnar, Evrópusambandið, NATO og Arababandalagið harmað innrásina. „Hundruð þúsunda óbreyttra borgara í norðurhluta Sýrlands eru í hættu. Almenningur og innviðir sem þjóna honum mega ekki verða skotmark,“ sagði Filippo Grandi, yfirmaður Sameinuðu þjóðanna í málefnum flóttafólks.
Átök Kúrda og Tyrkja Birtist í Fréttablaðinu Sýrland Tyrkland Mest lesið Kýldi konu eftir kynmök: „Hvað, getur þú ekki meira?“ Innlent Erlendur ferðamaður féll í Brúará Innlent Slævandi lyf og lágt sætisbak dráttarvélar orsakir banaslyss Innlent Stafræn skírteini hætta í símaveskjum Innlent „Erum ekki dúkkur sem Snorri getur sagt fyrir verkum“ Innlent Íbúar leiti réttar síns vegna flautsins: „Þetta er lýðheilsuógn“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Ein á móti rýmkuðu sorgarleyfi Innlent Dæmdur í 21 árs fangelsi fyrir að nauðga tugum skjólstæðinga Erlent Ásthildur Lóa skammar þingheim Innlent Fleiri fréttir Engin sátt í sjónmáli: Trump vill selja Tesluna Klóra sér í kollinum yfir stórri reikistjörnu á braut um litla stjörnu Reyna að stilla til friðar með símtali Dæmdur í 21 árs fangelsi fyrir að nauðga tugum skjólstæðinga Bras á breska Umbótaflokknum þrátt fyrir velgengnina Brotlentu öðru einkafari á tunglinu Fyrirsjáanlegar deilur: Valdamesti maður heims og sá ríkasti hnakkrífast Eldar loguðu í Kænugarði eftir umfangsmiklar árásir Rússa Segir nafn Trumps vera í Epstein-skjölunum Trump segist „mjög vonsvikinn“ út í Elon og ekki viss um að þeir geti átt gott samband Ákærð fyrir að myrða táning en líkið enn ófundið Sagður verulega ósáttur við gagnrýni Musks Fíll ruddist inn í matvöruverslun Bannar nú erlenda nemendur í Harvard á grunni þjóðaröryggis Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Sjá meira