Fyrrum bronshafi á heimsleikunum í CrossFit í stríði gegn CrossFit Open

CrossFit fólk heimsins keppist nú við að skila inn sínum æfingum í CrossFit Open en þriðja vikan af fimm er að klárast. Ein stór stjarna í CrossFit íþróttinni er aftur á móti á allt öðru máli.

Svíinn Lukas Högberg er stærsta stjarna Svíþjóðar í CrossFit en hann hefur hafið herferð gegn opna hluta heimsleikanna í CrossFit.

Lukas Högberg tilkynnti það á Instagram reikningi sínum að hann væri hættur að taka þátt í CrossFit Open sem stendur nú yfir.

„Mér finnst ekki að þetta Open óþverrasýning (Open shit show) hvetji mig áfram við æfingar eða hjálpi mér sem atvinnumanni í minni íþrótt,“ skrifaði Lukas Högberg meðal annars á Instagram.

 

 

 

View this post on Instagram

I decided to not continue with Open this year. It’s been a long season for me and a lot of stress around me. I don’t feel that this Open shit show gives me any motivation or enjoy in my training and career as a professional athlete Now my focus will be to get rid of the stress around me and start with a good training rhythm and be ready for the real competitions So I will compete in Sanctionals 2020 to earn my place at the Crossfit Games 2020 #RedBull #niketraining

A post shared by Lukas Högberg (@hogberglukas) on Oct 23, 2019 at 9:21am PDT

Lukas Högberg hefur fimm sinnum verið hraustasti CrossFit maður Svía og náði þriðja sæti á heimsleikunum í CrossFit árið 2018. Hann varð síðan sautjándi á heimsleikunum í ár.

Högberg lenti í smá vandræðum með CrossFit Open í fyrra eftir að hafa veikst af slæmri flensu nokkrum vikum áður en það byrjaði. Hann endaði í 90. sæti en var efstur meðal Svía og vann sér þannig sæti á heimsleikunum.

Lukas Högberg var í 21. sæti efstir fyrstu tvo hluta CrossFit Open í ár þegar hann tók þá ákvörðun að hætta.

Högberg átti mjög góða heimsleika árið 2018 en var mjög ósáttur með forráðamenn CrossFit samtakanna eftir þá. „Ég komst á pall og þetta var líklega ánægjulegasti dagur lífs míns. Ég hlakkaði til að fá smá hvíld eftir leikana en svo upp úr þurru ákváðu þau hjá CrossFit að breyta öllu en um leið að segja okkur ekki neitt,“ sagði Högberg í viðtali við Morning Chalk Up.

„Síðan þá hefur verið mjög erfitt fyrir mig að vera ekki illa við þau hjá CrossFit,“ bætti Lukas Högberg við og nú hefur hann endanlega brunnið yfir.

„Við, íþróttafólkið, fáum ekki að vita neitt. Við verðum bara að bíða í einhverri óvissu til að fá vita í hvaða átt íþróttin okkar er að fara. Við erum að tala um starf okkar og lífsviðurværi,“ sagði Högberg.

„Allar þessar breytingar hafa snúið lífi mínu á hvolf og ég vil ná aftur stjórninni. Ég er með þessu að setja mig sjálfan, mitt líf, mína andlegu heilsu sem og mína líkamlegu heilsu í fyrsta sæti,“ skrifaði Högberg.

Með þessu verður mun erfiðara fyrir hann að tryggja sér þátttökurétt á heimsleikunum á næsta ári en þó ekki ómögulegt. Hann mun reyna að tryggja sér sætið á einu af mótunum sem gefa þátttökurétt á leikunum en eitt slíkt fer einmitt fram hér á Íslandi í apríl.