Orri Páll selur einbýli í Skerjafirði á 139,9 milljónir

Orri Páll Dýrason, fyrrverandi trommari Sigurrósar hefur sett einbýlishús sitt í Skerjafirði á sölu. Eignin er 270,6 fermetrar að stærð og er ásett verð 139,9 milljónir. Húsið er skráð á Orra Pál og fyrrverandi eiginkonu hans.

Húsið er á Reykjavíkurvegi 27 í Reykjavík og er nokkuð endurnýjað. Samkvæmt fasteignavef Vísis er aukaíbúð og tveir bílskúrar í húsinu. Húsið er á  fjórum hæðum, steyptur kjallari og þrjár hæðir úr timbri, klætt bárujárni, byggt 1928. Fasteignamatið er 118.600.000.

Í lýsingu segir að húsið bjóði upp á ýmsa útfærslumöguleika. Til eru samþykktar teikningar á stækkun hússins upp í 347 fermetra, en hluti stækkunarinnar hefur nú þegar farið fram þegar hæð var bætt ofan á húsið.