Vara við glærahálku í nótt og í fyrramálið

Vegagerðin varar við því að mikil hálka myndist líklega á vegum og gangstéttum sunnan- og suðvestanlands í nótt og í fyrramálið. Þar sé höfuðborgarsvæðið með talið. Kólna muni í nótt og fyrsta á blautum vegum.

Samkvæmt Veðurstofu Íslands verður frost víðsvegar um landið á næstu dögum. Það verður þó minna og jafnvel frostlaust á Sunnanverðu landinu.

#Veður: Kólnar og frystir í nótt á blautum vegum sunnan- og suðvestanlands. Almennt má því reikna með glærahálku í flestum vegum og gangstéttum í nótt og fyrramálið þar með talið á Höfuðborgarsvæðinu. #færðin

— Vegagerðin | Iceland Roads (@Vegagerdin) November 4, 2019

Veðurhorfur á landinu, samkvæmt Veðurstofu Íslands.

„Suðlæg eða breytileg átt 3-8 m/s í kvöld. Slydda eða snjókoma með köflum SA-lands, en él á N- og A-landi.

Norðaustan 8-13 á Vestfjörðum og við SA-ströndina á morgun, annars hægari. Bjart með köflum, en snjókoma eða él SA-til. Frost víða 0 til 8 stig, en frostlaust við ströndina á S-verðu landinu.“