Átta skotnir við tökur á tón­listar­mynd­bandi í Hou­ston

Tveir eru látnir og að minnsta kosti sex særðir eftir skotárás á hóp manna sem voru við tökur á tónlistarmyndbandi á bílastæði í Houston í Texas í gærkvöldi.

Lögreglustjórinn Ed Gonzalez segir margt á huldu varðandi árásina en svo virðist sem að árásarmennirnir hafi skotið á hópinn þar sem hann var við tökur á rapptónlistarmyndbandi. Hafi einhverjir árásarmanna verið á bíl, en verið er að kanna hvort einhverjir hafi verið fótgangandi.

Lögregla telur að setið hafi verið um hópinn. Tveir voru úrskurðaðir látnir á vettvangi og voru einhverjir fluttir á sjúkrahús með skotsár.

Mennirnir sem voru skotnir eru allir á þrítugsaldri.

Enn hefur enginn verið handtekinn vegna málsins.