Listamenn fá 244 milljónir aukreitis vegna kórónuveiru

Aukaúthlutun úr Launasjóði listamanna hefur nú verið afgreidd. Samtals nemur hún 600 mánaðarlaunum sem eru hver um sig rúmar 407 hundruð þúsund krónur. Úthlutunin byggir á þingsályktun um sérstakt tímabundið fjárfestingarátak til að vinna gegn samdrætti í hagkerfinu vegna kórónuveirunnar.

Þegar þessi aukaúthlutun var kynnt fögnuðu listamenn því mjög en þegar á daginn kom hvernig hún var hugsuð, það er að fylgt yrði hlutfalli því sem Launasjóður listamanna hefur miðað við þá litið til mismunandi hópa listamanna, var það harðlega gagnrýnt. Erling Jóhannesson forseti BÍL var meðal þeirra sem taldi óeðlilegt að rithöfundar fengju bróðurskerfinn þegar til þess var litið að það eru einkum þeir sem hafa haft lifibrauð af því að skemmta opinberlega sem fengu að súpa seyðið af samkomubanninu. Rithöfundar fá um 35 prósent starfslauna, myndlistarmenn 27 prósent, hönnuðir 3 prósent, sviðslistarfólk tæp 12 prósent, tónlistarflytjendur 11 prósent og tónskáld 12 prósent. „Enginn spurði bransann,“ sagði Erling í samtali við Vísi.

Fjöldi umsækjenda reyndust 1390. Listamannalaun fá 278 listamenn og „árangurshlutfall umsækjenda“, eins og það er orðað á heimasíðu Rannís, er 20 prósent. Alls var sótt um 5747 mánuð og er árangurshlutfall sjóðsins því rétt ríflega 10%, reiknað eftir mánuðum. Sé litið yfir listann má sjá að mest er úthlutað hálfu ári til einstaklings og svo allt niður í einn mánuð.

Í úthlutunarnefndum sitja fyrir hönnuði Ástþór Helgason, formaður, Halldóra Vífilsdóttir og Ásta Guðmundsdóttir. Fyrir myndlistar menn eru það þau Aldís Arnardóttir, formaður, Ástríður Magnúsdóttir og Sindri Leifsson. Í launasjóði rithöfunda eiga sæti Ingibjörg Sigurðardóttir, formaður, Þorgeir Tryggvason og Þórður Helgason. Launasjóður sviðslistarfólks er skipaður þeim Páli Baldvin Baldvinssyni, formaður, Hjálmari Hjálmarssyni og Karen Maríu Jónsdóttur. Fyrir Launasjóð tónlistarflytjenda: Freyja Gunnlaugsdóttir, formaður, Helgi Jónsson og Jóhanna Ósk Valsdóttir. Og í nefnd fyrir Launasjóð tónskálda eru þau Hera Björk Þórhallsdóttir, formaður, Elín Gunnlaugsdóttir og Gunnar Karel Másson.

Eftirtöldum listamönnum eru veitt listamannalaun 2020:

En svo vitnað beint í Rannís þá eru úthlutunin sem hér segir.

Hönnuðir

Úthlutun: 5 listamenn (5 konur) 19 mánuðir. Eftirspurn: 104 umsóknir 454 mánuðir.

Árangurshlutfall: 5% umsókna 4% mánaða.

Myndlist 

Úthlutun: 70 listamenn (46 konur og 24 karlar) 163 mánuðir.

Eftirspurn: 353 umsóknir 1667 mánuðir.

Árangurshlutfall: 20% umsókna 10% mánaða.

Rithöfundar

Úthlutun: 78 listamenn (35 konur og 43 karlar) 208 mánuðir.

Eftirspurn: 279 umsóknir 1256 mánuðir. Árangurshlutfall: 28% umsókna 17% mánaða.

Sviðslistamenn

Úthlutun: 36 listamenn (19 konur og 17 karlar) 71 mánuður.

Eftirspurn: 256 umsóknir 661 mánuðir. Árangurshlutfall: 14% umsókna 11% mánaða.

Tónlistarflytjendur

Úthlutun: 34 listamenn (16 konur og 18 karlar) 68 mánuðir.

Eftirspurn: 181 umsóknir 768 mánuðir. Árangurshlutfall: 19% umsókna 9% mánaða.

Tónskáld

Úthlutun: 55 listamenn (26 konur og 29 karlar) 71 mánuðir.

Eftirspurn: 217 umsóknir 941 mánuðir. Árangurshlutfall: 25% umsókna 8% mánaða.