Kvöldfréttir Stöðvar 2

Í kvöldfréttum okkar greinum við frá því að til greina kemur að herða á sóttvarnaraðgerðum vegna fjölgunar fólks sem smitast hefur af kórónuveirunni innanlands. Nú þegar er búið að fresta tilslökunum sem áttu að taka gildi eftir helgi.

Við ræðum við forstjóra hjá bandarísku stórfyrirtæki sem flúði ástandið í Bandaríkjunum og flutti með fjölskyldu sína til Íslands til að geta lifað eðlilegu lífi á tímum veirunnar.

Í fréttatímanum tökum við hús á Húsvíkingum sem nýta sér nýorðna heimsfrægð vegna Eurovision myndarinnar og hafa í undirbúningi að opna Eurovision safn. Þetta og margt fleira á samtengdum rásum Bylgjunnar, Stöðvar 2 og Vísis klukkan 18:30.