Banda­rískur fim­leika­meistari undir á­hrifum frá Katrínu Tönju

Riley McCusker er nítján ára gömul. Hún er fimleikakona frá Bandaríkjunum sem hefur m.a. orðið heimsmeistari í greininni.

Riley er með rúmlega 120 þúsund fylgjendur á Instagram-síðu sinni en hún hefur eins og áður segir tekið gull á heimsmeistaramótinu í fimleikum.

Þrátt fyrir ungan aldur hefur hún gefið af sér gott orð innan fimleikahreyfingarinnar en hún hefur fjórum sinnum verið valin í landslið Bandaríkjanna.

Hún varð einungis nítján ára í síðasta mánuði og er þarna ein efnilegasta fimleikastelpa Bandaríkjanna á ferðinni. Það sést í þeim sex gullverðlaunum sem hún hefur hirt í Bandaríkjunum á meistaramótinu þar í landi.

Riley stýrði Instagram-síðu Inside Gymnastics í gær og þar var hann meðal annars spurð út í það hvort að einhver hafi verið henni hvatning innan fimleikanna og hver það væri.

Þá svaraði Riley að það væri Katrín Tanja Davíðsdóttir, ein af CrossFit-stjörnum Íslands, sem og Kyla Ross sem er fyrrum Ólympíuhafi í fimleikum.

Katrín Tanja var eðlilega glöð með þetta og endurbirti þetta svar Riley á Instagram-síðu sinni í gær og sagðist „dýrka Riley.“

Katrín Tanja er í fullum undirbúningi fyrir heimsleikana í CrossFit sem fara fram í september á þessu ári, ef allt gengur eftir óskum.