Sjáðu mörkin sem komu Leipzig í undanúrslit

Fyrsta mark Tylers Adams fyrir RB Leipzig tryggði liðinu sæti í undanúrslitum Meistaradeildar Evrópu í kvöld.

Adams skoraði sigurmark Leipzig gegn Atlético Madrid þegar tvær mínútur voru til leiksloka. Skot hans fór þá af Stefan Savic og í netið. Lokatölur 2-1, Leipzig í vil.

Leipzig mætir Paris Saint-Germain í undanúrslitum Meistaradeildarinnar þriðjudaginn 18. ágúst.

Staðan í hálfleik var markalaus en á 50. mínútu kom Dani Olmo Leipzig yfir með skalla eftir fyrirgjöf Marcels Sabitzer.

Joao Felix jafnaði fyrir Atlético úr vítaspyrnu á 71. mínútu og allt benti til þess að leikurinn færi í framlengingu. En Adams var á öðru máli.

Mörkin úr leiknum má sjá hér fyrir neðan.