Fótbolti

Sjáðu mörkin þegar Bayern tók Barcelona í karphúsið

Ingvi Þór Sæmundsson skrifar
Coutinho skoraði tvö mörk og lagði upp eitt gegn liðinu sem hann er í láni frá.
Coutinho skoraði tvö mörk og lagði upp eitt gegn liðinu sem hann er í láni frá. getty/Manu Fernandez

Bayern München er komið í undanúrslit Meistaradeildar Evrópu eftir stórsigur á Barcelona, 2-8, í Lissabon í kvöld.

Bæjarar sýndu allar sínar bestu hliðar í leiknum og völtuðu yfir slaka Börsunga sem gáfust hreinlega upp.

Thomas Müller og Coutinho skoruðu mörk hvor fyrir þýsku meistarana og Ivan Perisic, Serge Gnabry, Joshua Kimmich og Robert Lewandowski allir eitt mark.

David Alaba skoraði sjálfsmark og jafnaði í 1-1 snemma leiks og Luis Suárez gerði annað mark Barcelona á 57. mínútu.

Bayern er fyrsta liðið í sögu Meistaradeildarinnar sem skorar átta mörk í leik í útsláttarkeppninni. Liðið mætir annað hvort Manchester City eða Lyon í undanúrslitum á miðvikudaginn.

Mörkin úr leiknum ótrúlega í kvöld má sjá hér fyrir neðan.

Klippa: Barcelona 2-8 Bayern München

Sýnt verður beint frá öllum leikjunum sem eftir eru í Meistaradeild Evrópu á Stöð 2 Sport. Keppni lýkur með úrslitaleiknum í Lissabon 23. ágúst. Stöð 2 Sport er hluti af Sportpakkanum.

Meistaradeild Evrópu

Tengdar fréttir

Mest lesið


Fleiri fréttir

Sjá meira


×

Mest lesið