Sigurvegarar helgarinnar á Reykjavíkurleikunum

Þrettándu Reykjavíkurleikarnir hófust á fimmtudag og Íþróttabandalag Reykjavíkur fólk hefur nú tekið saman hvaða íþróttafólk náði bestum árangri í íþróttagreinum tólf sem fóru fram um helgina.

Eitt heimsmet var sett um helgina, fjölmörg Íslandsmet, nokkur mótsmet og önnur glæsileg tilþrif.

Til að halda upp á góðan árangur fyrri keppnishelgar leikanna var slegið upp veislu í Laugardalshöll í gærkvöldi með tónlist og skemmtiatriðum.

Í veislunni fékk besta íþróttafólkið í hverri grein viðurkenningar. Keppni hefst aftur á fimmtudag en þá fer keppni í klifri og keilu af stað. Tólf greinar eru á dagskrá leikanna á seinni keppnishelginni.

Sjö Íslendingar náðu að vera stigahæst í sínum greinum. Það eru sundmaðurinn Anton Sveinn McKee, hjólreiðafólkið Gestur Jónsson og Þórdís Björk Georgsdóttir, júdófólkið Zaza Simonishvili og Ingunn Sigurðardóttir, borðtennismaðurinn Ellert Georgsson og svo Viktor Samúelsson í kraftlyftingum.

Íþróttafólkið sem var stigahæst eða valið best í sinni grein á fyrri keppnishelgi Reykjavíkurleikanna 2020:

Badminton

Fathurrahman Fauzi, Indónesía

Rachel Sugden, Skotland

Borðtennis

Ellert Georgsson, Ísland

Nevene Tasic, Serbía

Dans

Artem Semerenko, Kirgistan

Valeriya Kachalki, Kirgistan

Enduro hjólreiðar

Gestur Jónsson, Ísland

Þórdís Björk Georgsdóttir, Ísland

Júdó

Zaza Simonishvili, Ísland

Ingunn Sigurðardóttir, Ísland

Ólympískar lyftingar

Tim Kring, Danmörk

Mille Sögaard, Danmörk

Karate

Joby Wilson, England

Sonia Ventura Garcia, Spánn

Kraftlyftingar

Kimberly Walford, Bandarísku Jómfrúaeyjar

Viktor Samúelsson, Ísland

Listskautar

Nikolaj Mölgaard Pedersen, Danmörk

Marianne Stålen, Noregur

Sund

Anton Sveinn McKee, Ísland

Mie Nielsen, Danmörk