Rannsaka tengsl forstjóra Barclays við Jeffrey Epstein Kjartan Kjartansson skrifar 13. febrúar 2020 12:01 James Stanley þekkti Jeffrey Epstein í að minnsta kosti 19 ár. AP/Evan Agostini/Invision Breska fjármálaeftirlitið rannsakar nú tengsl James E. Staley, forstjóra Barclays, við Jeffrey Epstein, bandaríska fjármálamannsins sem var ákærður fyrir mansal á stúlkum undir lögaldri í fyrra og hvort bankastjórinn hafi greint satt og rétt frá þeim. Stanley harmaði í dag samband sitt við Epstein. Epstein svipti sig lífi í fangelsi á Manhattan síðasta sumar. Hann var þá sakaður um að hafa misnotað ungar stúlkur og selt þær mansali í New York og á Flórída fyrir um fimmtán árum. Í yfirlýsingu frá Barclays segir að breskir eftirlitsaðilar séu að gaumgæfa hvernig Stanley lýsti sambandi sínu við Epstein við bankann og hvernig bankinn gerði fjármálaeftirlitinu grein fyrir því í framhaldinu, að sögn New York Times. Bankinn segir að Staley hafi fullyrt að hann hafi ekki verið í neinum samskiptum við Epstein frá því að hann tók við sem forstjóri fyrir rúmum fjórum árum. Stanley og Epstein eru sagðir hafa þekkst að minnsta kosti frá árinu 1999. Á þeim tíma var Stanley yfir einkabankaþjónustu JP Morgan á Wall Street. Hann var ráðinn forstjóri Barclays í desember árið 2015. Stanley sagði sjálfur í dag að hann hefði fyrst kynnst Epstein, sem var þá viðskiptavinur JP Morgan, árið 2000, að sögn AP-fréttastofunnar. Eftir að Stanley lét af störfum hjá fjármálafyrirtækinu hafi verulega dregið úr samskiptum þeirra Epstein. Síðast segist Stanley hafa verið í sambandi við Epstein sumarið og haustið 2015. Það var sjö árum eftir að Epstein var sakfelldur fyrir að falast eftir vændi frá stúlkum undir lögaldri á Flórída. „Augljóslega taldi ég að ég þekkti hann en ég gerði það ekki. Eftir á að hyggja, vitandi það sem ég veit núna harma ég sannarlega að hafa átt í hvers konar sambandi við Jeffrey,“ sagði Stanley við fréttamenn í dag. Barclays sagði í yfirlýsingu sinni að Stanley hafi verið nægilega hreinskilinn um viðskiptaleg tengsl sín við Epstein. Hann njóti fyllsta trausts bankastjórnarinnar sem ætli að mæla með því að skipunartími hans verði endurnýjaður á hluthafafundi í maí. Hlutabréfaverð í bankanum féll í morgun. Stjórnartíð Stanley hefur ekki verið áfallalaus. Bankinn var sektaður um fimmtán milljónir dollara í New York þegar Stanley reyndi að nafngreina uppljóstrara sem hafi bent á vanhæfni háttsetts starfsmanns sem bankastjórinn hafði ráðið. Bresk yfirvöld sektuðu Stanley einnig vegna málsins. Bandaríkin Bretland Jeffrey Epstein Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf „Myndi alveg segja að hjartað í mér hafi verið í buxunum“ Atvinnulíf Að hætta að vera vandræðaleg í nýrri vinnu Atvinnulíf Salzburg úr sögunni hjá Play Viðskipti innlent Frá RÚV til Coca-Cola Viðskipti innlent Samherji hvetur Odd Eystein til frekari verka Viðskipti innlent Gengu langt í að vinna að lausn þótt bíllinn væri ekki í ábyrgð Neytendur Spá sömuleiðis óbreyttum stýrivöxtum Viðskipti innlent Fríar skólamáltíðir séu skammgóður vermir Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Breska fjármálaeftirlitið rannsakar nú tengsl James E. Staley, forstjóra Barclays, við Jeffrey Epstein, bandaríska fjármálamannsins sem var ákærður fyrir mansal á stúlkum undir lögaldri í fyrra og hvort bankastjórinn hafi greint satt og rétt frá þeim. Stanley harmaði í dag samband sitt við Epstein. Epstein svipti sig lífi í fangelsi á Manhattan síðasta sumar. Hann var þá sakaður um að hafa misnotað ungar stúlkur og selt þær mansali í New York og á Flórída fyrir um fimmtán árum. Í yfirlýsingu frá Barclays segir að breskir eftirlitsaðilar séu að gaumgæfa hvernig Stanley lýsti sambandi sínu við Epstein við bankann og hvernig bankinn gerði fjármálaeftirlitinu grein fyrir því í framhaldinu, að sögn New York Times. Bankinn segir að Staley hafi fullyrt að hann hafi ekki verið í neinum samskiptum við Epstein frá því að hann tók við sem forstjóri fyrir rúmum fjórum árum. Stanley og Epstein eru sagðir hafa þekkst að minnsta kosti frá árinu 1999. Á þeim tíma var Stanley yfir einkabankaþjónustu JP Morgan á Wall Street. Hann var ráðinn forstjóri Barclays í desember árið 2015. Stanley sagði sjálfur í dag að hann hefði fyrst kynnst Epstein, sem var þá viðskiptavinur JP Morgan, árið 2000, að sögn AP-fréttastofunnar. Eftir að Stanley lét af störfum hjá fjármálafyrirtækinu hafi verulega dregið úr samskiptum þeirra Epstein. Síðast segist Stanley hafa verið í sambandi við Epstein sumarið og haustið 2015. Það var sjö árum eftir að Epstein var sakfelldur fyrir að falast eftir vændi frá stúlkum undir lögaldri á Flórída. „Augljóslega taldi ég að ég þekkti hann en ég gerði það ekki. Eftir á að hyggja, vitandi það sem ég veit núna harma ég sannarlega að hafa átt í hvers konar sambandi við Jeffrey,“ sagði Stanley við fréttamenn í dag. Barclays sagði í yfirlýsingu sinni að Stanley hafi verið nægilega hreinskilinn um viðskiptaleg tengsl sín við Epstein. Hann njóti fyllsta trausts bankastjórnarinnar sem ætli að mæla með því að skipunartími hans verði endurnýjaður á hluthafafundi í maí. Hlutabréfaverð í bankanum féll í morgun. Stjórnartíð Stanley hefur ekki verið áfallalaus. Bankinn var sektaður um fimmtán milljónir dollara í New York þegar Stanley reyndi að nafngreina uppljóstrara sem hafi bent á vanhæfni háttsetts starfsmanns sem bankastjórinn hafði ráðið. Bresk yfirvöld sektuðu Stanley einnig vegna málsins.
Bandaríkin Bretland Jeffrey Epstein Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf „Myndi alveg segja að hjartað í mér hafi verið í buxunum“ Atvinnulíf Að hætta að vera vandræðaleg í nýrri vinnu Atvinnulíf Salzburg úr sögunni hjá Play Viðskipti innlent Frá RÚV til Coca-Cola Viðskipti innlent Samherji hvetur Odd Eystein til frekari verka Viðskipti innlent Gengu langt í að vinna að lausn þótt bíllinn væri ekki í ábyrgð Neytendur Spá sömuleiðis óbreyttum stýrivöxtum Viðskipti innlent Fríar skólamáltíðir séu skammgóður vermir Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira