Anníe Mist staðfestir formlega að Frederiksdottir sé á leiðinni í haust

Fyrsti heimsmeistari Íslands í CrossFit á von á dóttur og hefur búið til markmið fyrir hana að keppa á heimsleikunum árið 2040.

Íslenska CrossFit goðsögnin Anníe Mist Þórisdóttir er að verða móðir í haust og hafði „misst“ kynið út úr sér í viðtali á Wodapalooza mótinu á dögunum.

Anníe Mist hefur nú tekið allan vafa af og staðfesti það formlega á Instagram síðu sinni að hún eigi von á dóttur.

„Lítil stúlka Frederiksdottir. Já við erum að fara eignast DÓTTIR og ég gæti ekki verið ánægðari,“ skrifaði Anníe Mist.

Hún birti líka krúttlega mynd af sér með lítill bangsa merktum númerinu ellefu og Frederiksdottir.

„Hún fær mitt númer lánað þar til að hún vinnur sér inn sitt eigið númer,“ bætti Anníe Mist við.

Einn af styrktaraðilum Anníe hjá RPstrength voru fljótir að setja pressu á stelpunum þó að það séu nokkrir mánuðir í það að hún komi í heiminn.

„Framtíðar CrossFit meistari. Það er öruggt,“ skrifaði RPstrength í athugasemdum við myndin.

Anníe Mist ætlar samt að passa upp á það og skrifar í lok textans síns #NOpreassurethough eða „Engin pressa samt“ en hún hefur líka sett stefnuna fyrir hönd dótturinnar að hún keppi á leiknum 2040.

Hér fyrir neðan má sjá þessa formlegu staðfestingu Anníe Mistar á kyninu en nú síðast höfðu næstum því 89 þúsund manns líkað við hana.