Kvöldfréttir Stöðvar 2

Allt stefnir í að aldrei hafi verið tekin fleiri sýni vegna kórónuveirunnar í dag. Talsvert af fólki er með einkenni sem gæti tengst árstíðabundnum pestum og margir vilja komast í sýnatökum eftir samskipti við einhvern í sóttkví. Fjallað verður um málið í kvöldfréttum Stöðvar 2.

Lögreglu hefur borist tugir ábendinga um dvalarstað egypsku fjölskyldunnar sem stendur til að vísa úr landi. Rætt verður við aðstoðaryfirlögregluþjón stoðdeildar ríkislögreglustjóra sem telur öruggt að einhver sé að aðstoða fólkið.

Í kvöldfréttum sláumst við einnig í för með smalamönnum á Landmannaafrétti sem eru við fjárleitir í hríðarbyljum.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30.