Hoffenheim skellti Bayern

Hoffenheim gerði sér lítið fyrir og vann 4-1 sigur á Bayern Munchen er liðin mættust í 2. umferð þýska boltans.

Bayern vann Ofurbikarinn fyrr í vikunni en eftir framlengingu höfðu þeir betur gegn Evrópudeildarmeisturunum í Sevilla.

Ermin Bicakcic kom Hoffenheim yfir á 16. mínútu og Munas Dabbur tvöfaldaði forystuna átta mínútum síðar.

Joshua Kimmich minnkaði muninn í 2-1 á 36. mínútu og þannig stóðu leikar í hálfleik.

Andrej Kramaric bætti hins vegar við tveimur Hoffenheim mörkum í síðari hálfleik og lokatölur 4-1.

Bayern er með þrjú stig eftir fyrstu tvo leikina en Hoffenheim hefur unnið tvo fyrstu leiki sína.