Líkamsárás, vinnuslys og þjófnaður

Um klukkan hálfsex í gærkvöldi var lögreglunni á höfuðborgarsvæðinu tilkynnt um þjófnað í verslun í Breiðholti. Að því er segir í dagbók lögreglu hélt hinn grunaði sína leið að lokinni skýrslutöku.

Rétt fyrir klukkan 20 var lögreglu síðan tilkynnt um líkamsárás, einnig í Breiðholti, en í dagbók lögreglunnar eru engar fleiri upplýsingar um það mál.

Laust eftir klukkan 22 barst svo tilkynning um vinnuslys í Sundlaug Kópavogs en ekkert er frekar skráð um það samkvæmt því sem segir í dagbók lögreglunnar.