FH-hjartað sem slær uppi í stúku

Stuðningsmannasveitin FH-hjartað hefur sett skemmtilegan svip á leiki FH í Pepsi Max-deild kvenna í fótbolta.

Sveitina skipa ungir en gallharðir FH-ingar sem fylgdu liðinu sínu m.a. til Vestmannaeyja á dögunum.

Helena Ólafsdóttir fór í Kaplakrika í vikunni og hitti FH hjartað. Innslagið var sýnt í Pepsi Max mörkum kvenna í fyrradag.

„Okkur fannst það bara nauðsynlegt og við höldum að það skili sér inni á vellinum,“ sagði Emil, einn strákanna, en hann hannaði einmitt merki FH-hjartans.

Helena spurði strákana út í Vestmannaeyjaförina en þeir voru sannfærðir um að stuðningur þeirra hafi hjálpað til en FH vann 1-3 sigur.

Strákarnir eiga þrjár trommur þeir söfnuðu fyrir þeim með því að ganga í hús og selja egg og sælgæti.

Innslagið um FH-hjartað má sjá hér fyrir neðan.