5 dagar í Ungverjaleik: Gulldrengurinn frá Székesfehérvár með þrumuskotin Ingvi Þór Sæmundsson skrifar 7. nóvember 2020 10:00 Dominik Szoboszlai er besti leikmaður sem Ungverjar hafa eignast í mörg ár, jafnvel áratugi. getty/Laszlo Szirtesi Í dag eru fimm dagar í úrslitastund hjá strákunum okkar í karlalandsliðinu í fótbolta en 12. nóvember næstkomandi kemur í ljós hvort það verður Ungverjaland eða Ísland sem spilar í lokakeppni Evrópumótsins í sumar. Vísir heldur áfram að telja niður í leikinn og nú er komið að því að fjalla um skærustu framtíðarstjörnu Ungverja. Í ungverska landsliðinu er ekki að finna stærstu nöfnin í fótboltaheiminum. Þekktustu leikmenn þess eru eflaust samherjarnir hjá RB Leipzig, Péter Gulásci og Willi Orban. En mest spennandi leikmaðurinn í ungverska liðinu og framtíðarstjarna þess er hinn tvítugi Dominik Szoboszlai, leikmaður Red Bull Salzburg. Szoboszlai spilar oftast á vinstri kantinum en getur einnig leikið framarlega á miðjunni. Hann er gríðarlega sparkviss og með baneitraðan hægri fót. Það sást m.a. í leik Salzburg og Lokomotiv Moskvu í riðlakeppni Meistaradeildar Evrópu í síðasta mánuði. Hann skoraði þá stórglæsilegt mark með skoti í slá og inn frá vítateigshorninu. Szoboszlai er mikill aukaspyrnusérfræðingur eins og hann sýndi í leik Ungverjalands og Tyrklands í Þjóðadeildinni í síðasta mánuði. Hann skoraði þá eina mark leiksins með mögnuðu skoti í stöng og inn af löngu færi. ! This free-kick by Hungary wonderkid Dominik Szoboszlai = #NationsLeague | @MLSZhivatalos pic.twitter.com/23BKazKGvA— UEFA EURO 2020 (@EURO2020) September 6, 2020 Raunar hafa bæði mörk Szoboszlais fyrir ungverska landsliðið komið með skotum beint úr aukaspyrnum. Hann skoraði einnig aukaspyrnumark í 1-2 tapi fyrir Slóvakíu í undankeppni EM í fyrra. Eins og sést á mörkunum hér fyrir ofan ætti íslenska liðið að varast að gefa Szoboszlai tíma og pláss í og við vítateiginn og forðast í lengstu löð að fá á sig aukaspyrnur þar sem hann getur látið vaða. Szoboszlai var fyrst valinn í ungverska A-landsliðið þegar hann var aðeins sextán ára og lék sinn fyrsta landsleik átján ára. Fyrsti landsleikur Szoboszlais í byrjunarliði Ungverja var í 2-1 sigri á Króötum, silfurliði síðasta heimsmeistaramóts, í undankeppni EM í mars í fyrra. Alls hefur hann leikið tíu A-landsleiki. Szoboszlai skýlir boltanum frá Federico Valverde, leikmanni Real Madrid, í vináttulandsleik Ungverjalands og Úrúgvæ.getty/Matthew Ashton Szoboszlai var ekki í ungverska hópnum í síðasta mánuði þar sem hann var í sóttkví eins og aðrir leikmenn Salzburg. Szoboszlai virðist vera afar spenntur fyrir leiknum gegn Íslandi en Marco Rossi, landsliðsþjálfari Ungverjalands, að hann myndi labba frá Salzburg til Búdapest ef þess þyrfti. Milli borganna eru litlir 530 kílómetrar. Szoboszlai fæddist í Székesfehérvár, níundu stærstu borg Ungverjalands, 25. október 2000. Faðir hans, Zsolt, var fótboltamaður og lék í efstu deild í Ungverjalandi, m.a. með Videton, aðalliðinu í Székesfehérvár. Zsolt stofnaði seinna fótboltakademíu í borginni, Fönix-Gold, þar sem sonur hans byrjaði að spila. Szoboszlai vakti snemma athygli fyrir framúrskarandi hæfileika og þegar hann var sextán ára samdi hann við Salzburg. Þar á bæ eru menn með gott auga fyrir hæifleikaríkum fótboltamönnum og nokkrir frábærir leikmenn hafa stoppað þar á leið sinni á toppinn. Má þar m.a. nefna Sadio Mané og Erling Håland, sem Szoboszlai lék með hjá Salzburg. Szoboszlai fagnar með hinum markaóða Erling Håland eftir sigur á Genk, 6-2, í Meistaradeildinni á síðasta tímabili.getty/David Geieregger Szoboszlai byrjaði að spila með Liefering, sem Salzburg á í samstarfi við, í austurrísku B-deildinni. Hann var aðeins sextán ára þegar hann lék sinn fyrsta leik fyrir Liefering. Og ekki leið á löngu þar til hann fékk tækifæri með Salzburg. Á síðasta tímabili var Szoboszlai valinn leikmaður ársins í austurrísku úrvalsdeildinni. Hann skoraði níu mörk og lagði upp fjórtán fyrir Salzburg sem varð meistari sjöunda árið í röð. Szoboszlai hefur einnig farið vel af stað á þessu tímabili og skorað fimm mörk og gefið átta stoðsendingar í tólf leikjum í öllum keppnum. Fjögur marka hans hafa komið í Meistaradeildinni, þar af tvö í riðlakeppninni. Szoboszlai í baráttu við Benjamin Pavard í leik Salzburg og Evrópumeistara Bayern München á þriðjudaginn. Bæjarar unnu leikinn, 2-6.getty/Roland Krivec Szoboszlai er samningsbundinn Salzburg til 2022 en verður eflaust farinn til stærra félags áður en langt um líður. Eins og svo margir leikmenn Salzburg gæti hann farið ofar í fæðukeðju Red Bull samsteypunnar og gengið í raðir RB Leipzig. Eða tekið enn stærra stökk. Szoboszlai hefur m.a. verið orðaður við Juventus, AC Milan og Arsenal. Szoboszlai er gulldrengur Ungverja og hefur hæfileika til að verða þeirra besti leikmaður í nokkra áratugi, jafnvel síðan Florian Albert var uppi á sitt besta. Ungverjar vonast til að Szoboszlai hjálpi þeim til við að gera sig aftur gildandi í alþjóðlegum fótbolta. Það væri þó óskandi að þeir biðu með það þar til eftir 12. nóvember. Leikur Ungverjalands og Íslands verður sýndur í beinni útsendingu á Stöð 2 Sport 2 fimmtudaginn 12. nóvember klukkan 19.45 en upphitun hefst klukkan 18.45. Áskrift er hægt að kaupa hér en einnig verður í boði að kaupa stakan viðburð á myndlyklum Vodafone og Símans á kr. 990, sem og í vefsjónvarpi Stöðvar 2. EM 2020 í fótbolta Tengdar fréttir 6 dagar í Ungverjaleikinn: Ungverjar eiga eitt vandræðalegasta umspil allra tíma Það tók ungverska landsliðið og ungverska knattspyrnu mjög langan tíma að jafna sig á útreiðinni sem liðið fékk í umspili fyrir HM 1998. 6. nóvember 2020 12:30 7 dagar í Ungverjaleik: Yfirgnæfðu „bláa hafið“ og mega fylla þriðja hvert sæti Þrátt fyrir kórónuveirufaraldurinn má búast við því að 20 þúsund stuðningsmenn verði á Puskás Aréna eftir viku, þegar Ungverjaland og Ísland mætast í úrslitaleik um sæti á EM karla í fótbolta. 5. nóvember 2020 12:30 8 dagar í Ungverjaleik: Þjálfaraferill hins eina sanna Puskás endaði á Íslandi Landsliðsþjálfaraferill ungversku fótboltagoðsagnarinnar Ferenc Puskás var á enda eftir tapleik í Laugardalnum í júnímánuði fyrir rúmum 27 árum síðan. 4. nóvember 2020 12:31 9 dagar í Ungverjaleik: Yrði jafnsögulegt fyrir Ungverja og fyrir Íslendinga Ungverjar og Íslendingar spila hreinan úrslitaleik um sæti á EM og um leið geta knattspyrnulið beggja þjóða náð sögulegum árangri í knattspyrnusögu sinnar þjóðar. 3. nóvember 2020 12:31 Tíu dagar í Ungverjaleik: Höfum aldrei unnið Ungverja án Guðna formanns Það er kannski spurning um að klæða formann KSÍ aftur í íslenska landsliðsbúninginn þegar Ísland mætir Ungverjum í hreinum úrslitaleik um sæti á Evrópumótinu næsta sumar. 2. nóvember 2020 12:31 Mest lesið Stefán benti á tattúið og minntist frænku sinnar Enski boltinn Neyddir til að spila í miðri þjóðarsorg Handbolti Útskýrði af hverju Burn var dekkaður af mun lægri manni Enski boltinn Segir Arnór líta ruddalega vel út Fótbolti Players endar í einvígi: „Halda allir að hann vinni“ Golf Sjáðu Albert skora gegn Juventus Fótbolti „Rjóminn á kökuna fyrir okkur“ Íslenski boltinn Staðráðinn í að spila aftur: „Ég var nálægt því að deyja“ Enski boltinn McIlroy vann einvígið en Spaun fór í vatnið Golf Hættu leik eftir að áhorfendur kveiktu í stúkunni Fótbolti Fleiri fréttir Reynslumikill Svíi á að styrkja miðsvæði Fram Fyrirliða Forest bætt við enska hópinn Víkingur missir undanúrslitasætið Aðeins þúsund geta mætt á leikina mikilvægu við Noreg og Sviss Þriðja þáttaröðin af LUÍH hefst í kvöld: „Mögulega besta móment lífs míns“ Segir Arnór líta ruddalega vel út Ramos rekinn út af fyrir að sparka í rass mótherja Staðráðinn í að spila aftur: „Ég var nálægt því að deyja“ Útskýrði af hverju Burn var dekkaður af mun lægri manni Fyrirliði Kósóvó fór meiddur af velli „Vil ekki fara að sofa því mér líður eins og mig sé að dreyma“ Sjáðu Albert skora gegn Juventus Stefán benti á tattúið og minntist frænku sinnar Ari afmælisbarn búinn að semja við Elfsborg „Rjóminn á kökuna fyrir okkur“ Hættu leik eftir að áhorfendur kveiktu í stúkunni Liverpool leiði kapphlaupið um Guehi Meiðslin muni að öllum líkindum teygja sig inn í landsleikjapásuna Atalanta mistókst að hirða toppsætið af Inter Fulham nær Evrópu eftir sigur á Tottenham Ótrúleg endurkoma skaut Börsungum á toppinn „Við áttum skilið að vinna í dag“ United nálgast efri hlutann Hinrik farinn til Noregs frá ÍA Stólarnir sóttu sinn fyrsta sigur Albert gulltryggði sigurinn gegn Juventus Sjötíu ára titlaþurrð á enda Brynjólfur í hetjuhlutverkinu í hollenska boltanum Merino aftur hetja Arsenal Karólína Lea lagði upp mark í stórsigri Sjá meira
Í dag eru fimm dagar í úrslitastund hjá strákunum okkar í karlalandsliðinu í fótbolta en 12. nóvember næstkomandi kemur í ljós hvort það verður Ungverjaland eða Ísland sem spilar í lokakeppni Evrópumótsins í sumar. Vísir heldur áfram að telja niður í leikinn og nú er komið að því að fjalla um skærustu framtíðarstjörnu Ungverja. Í ungverska landsliðinu er ekki að finna stærstu nöfnin í fótboltaheiminum. Þekktustu leikmenn þess eru eflaust samherjarnir hjá RB Leipzig, Péter Gulásci og Willi Orban. En mest spennandi leikmaðurinn í ungverska liðinu og framtíðarstjarna þess er hinn tvítugi Dominik Szoboszlai, leikmaður Red Bull Salzburg. Szoboszlai spilar oftast á vinstri kantinum en getur einnig leikið framarlega á miðjunni. Hann er gríðarlega sparkviss og með baneitraðan hægri fót. Það sást m.a. í leik Salzburg og Lokomotiv Moskvu í riðlakeppni Meistaradeildar Evrópu í síðasta mánuði. Hann skoraði þá stórglæsilegt mark með skoti í slá og inn frá vítateigshorninu. Szoboszlai er mikill aukaspyrnusérfræðingur eins og hann sýndi í leik Ungverjalands og Tyrklands í Þjóðadeildinni í síðasta mánuði. Hann skoraði þá eina mark leiksins með mögnuðu skoti í stöng og inn af löngu færi. ! This free-kick by Hungary wonderkid Dominik Szoboszlai = #NationsLeague | @MLSZhivatalos pic.twitter.com/23BKazKGvA— UEFA EURO 2020 (@EURO2020) September 6, 2020 Raunar hafa bæði mörk Szoboszlais fyrir ungverska landsliðið komið með skotum beint úr aukaspyrnum. Hann skoraði einnig aukaspyrnumark í 1-2 tapi fyrir Slóvakíu í undankeppni EM í fyrra. Eins og sést á mörkunum hér fyrir ofan ætti íslenska liðið að varast að gefa Szoboszlai tíma og pláss í og við vítateiginn og forðast í lengstu löð að fá á sig aukaspyrnur þar sem hann getur látið vaða. Szoboszlai var fyrst valinn í ungverska A-landsliðið þegar hann var aðeins sextán ára og lék sinn fyrsta landsleik átján ára. Fyrsti landsleikur Szoboszlais í byrjunarliði Ungverja var í 2-1 sigri á Króötum, silfurliði síðasta heimsmeistaramóts, í undankeppni EM í mars í fyrra. Alls hefur hann leikið tíu A-landsleiki. Szoboszlai skýlir boltanum frá Federico Valverde, leikmanni Real Madrid, í vináttulandsleik Ungverjalands og Úrúgvæ.getty/Matthew Ashton Szoboszlai var ekki í ungverska hópnum í síðasta mánuði þar sem hann var í sóttkví eins og aðrir leikmenn Salzburg. Szoboszlai virðist vera afar spenntur fyrir leiknum gegn Íslandi en Marco Rossi, landsliðsþjálfari Ungverjalands, að hann myndi labba frá Salzburg til Búdapest ef þess þyrfti. Milli borganna eru litlir 530 kílómetrar. Szoboszlai fæddist í Székesfehérvár, níundu stærstu borg Ungverjalands, 25. október 2000. Faðir hans, Zsolt, var fótboltamaður og lék í efstu deild í Ungverjalandi, m.a. með Videton, aðalliðinu í Székesfehérvár. Zsolt stofnaði seinna fótboltakademíu í borginni, Fönix-Gold, þar sem sonur hans byrjaði að spila. Szoboszlai vakti snemma athygli fyrir framúrskarandi hæfileika og þegar hann var sextán ára samdi hann við Salzburg. Þar á bæ eru menn með gott auga fyrir hæifleikaríkum fótboltamönnum og nokkrir frábærir leikmenn hafa stoppað þar á leið sinni á toppinn. Má þar m.a. nefna Sadio Mané og Erling Håland, sem Szoboszlai lék með hjá Salzburg. Szoboszlai fagnar með hinum markaóða Erling Håland eftir sigur á Genk, 6-2, í Meistaradeildinni á síðasta tímabili.getty/David Geieregger Szoboszlai byrjaði að spila með Liefering, sem Salzburg á í samstarfi við, í austurrísku B-deildinni. Hann var aðeins sextán ára þegar hann lék sinn fyrsta leik fyrir Liefering. Og ekki leið á löngu þar til hann fékk tækifæri með Salzburg. Á síðasta tímabili var Szoboszlai valinn leikmaður ársins í austurrísku úrvalsdeildinni. Hann skoraði níu mörk og lagði upp fjórtán fyrir Salzburg sem varð meistari sjöunda árið í röð. Szoboszlai hefur einnig farið vel af stað á þessu tímabili og skorað fimm mörk og gefið átta stoðsendingar í tólf leikjum í öllum keppnum. Fjögur marka hans hafa komið í Meistaradeildinni, þar af tvö í riðlakeppninni. Szoboszlai í baráttu við Benjamin Pavard í leik Salzburg og Evrópumeistara Bayern München á þriðjudaginn. Bæjarar unnu leikinn, 2-6.getty/Roland Krivec Szoboszlai er samningsbundinn Salzburg til 2022 en verður eflaust farinn til stærra félags áður en langt um líður. Eins og svo margir leikmenn Salzburg gæti hann farið ofar í fæðukeðju Red Bull samsteypunnar og gengið í raðir RB Leipzig. Eða tekið enn stærra stökk. Szoboszlai hefur m.a. verið orðaður við Juventus, AC Milan og Arsenal. Szoboszlai er gulldrengur Ungverja og hefur hæfileika til að verða þeirra besti leikmaður í nokkra áratugi, jafnvel síðan Florian Albert var uppi á sitt besta. Ungverjar vonast til að Szoboszlai hjálpi þeim til við að gera sig aftur gildandi í alþjóðlegum fótbolta. Það væri þó óskandi að þeir biðu með það þar til eftir 12. nóvember. Leikur Ungverjalands og Íslands verður sýndur í beinni útsendingu á Stöð 2 Sport 2 fimmtudaginn 12. nóvember klukkan 19.45 en upphitun hefst klukkan 18.45. Áskrift er hægt að kaupa hér en einnig verður í boði að kaupa stakan viðburð á myndlyklum Vodafone og Símans á kr. 990, sem og í vefsjónvarpi Stöðvar 2.
Leikur Ungverjalands og Íslands verður sýndur í beinni útsendingu á Stöð 2 Sport 2 fimmtudaginn 12. nóvember klukkan 19.45 en upphitun hefst klukkan 18.45. Áskrift er hægt að kaupa hér en einnig verður í boði að kaupa stakan viðburð á myndlyklum Vodafone og Símans á kr. 990, sem og í vefsjónvarpi Stöðvar 2.
EM 2020 í fótbolta Tengdar fréttir 6 dagar í Ungverjaleikinn: Ungverjar eiga eitt vandræðalegasta umspil allra tíma Það tók ungverska landsliðið og ungverska knattspyrnu mjög langan tíma að jafna sig á útreiðinni sem liðið fékk í umspili fyrir HM 1998. 6. nóvember 2020 12:30 7 dagar í Ungverjaleik: Yfirgnæfðu „bláa hafið“ og mega fylla þriðja hvert sæti Þrátt fyrir kórónuveirufaraldurinn má búast við því að 20 þúsund stuðningsmenn verði á Puskás Aréna eftir viku, þegar Ungverjaland og Ísland mætast í úrslitaleik um sæti á EM karla í fótbolta. 5. nóvember 2020 12:30 8 dagar í Ungverjaleik: Þjálfaraferill hins eina sanna Puskás endaði á Íslandi Landsliðsþjálfaraferill ungversku fótboltagoðsagnarinnar Ferenc Puskás var á enda eftir tapleik í Laugardalnum í júnímánuði fyrir rúmum 27 árum síðan. 4. nóvember 2020 12:31 9 dagar í Ungverjaleik: Yrði jafnsögulegt fyrir Ungverja og fyrir Íslendinga Ungverjar og Íslendingar spila hreinan úrslitaleik um sæti á EM og um leið geta knattspyrnulið beggja þjóða náð sögulegum árangri í knattspyrnusögu sinnar þjóðar. 3. nóvember 2020 12:31 Tíu dagar í Ungverjaleik: Höfum aldrei unnið Ungverja án Guðna formanns Það er kannski spurning um að klæða formann KSÍ aftur í íslenska landsliðsbúninginn þegar Ísland mætir Ungverjum í hreinum úrslitaleik um sæti á Evrópumótinu næsta sumar. 2. nóvember 2020 12:31 Mest lesið Stefán benti á tattúið og minntist frænku sinnar Enski boltinn Neyddir til að spila í miðri þjóðarsorg Handbolti Útskýrði af hverju Burn var dekkaður af mun lægri manni Enski boltinn Segir Arnór líta ruddalega vel út Fótbolti Players endar í einvígi: „Halda allir að hann vinni“ Golf Sjáðu Albert skora gegn Juventus Fótbolti „Rjóminn á kökuna fyrir okkur“ Íslenski boltinn Staðráðinn í að spila aftur: „Ég var nálægt því að deyja“ Enski boltinn McIlroy vann einvígið en Spaun fór í vatnið Golf Hættu leik eftir að áhorfendur kveiktu í stúkunni Fótbolti Fleiri fréttir Reynslumikill Svíi á að styrkja miðsvæði Fram Fyrirliða Forest bætt við enska hópinn Víkingur missir undanúrslitasætið Aðeins þúsund geta mætt á leikina mikilvægu við Noreg og Sviss Þriðja þáttaröðin af LUÍH hefst í kvöld: „Mögulega besta móment lífs míns“ Segir Arnór líta ruddalega vel út Ramos rekinn út af fyrir að sparka í rass mótherja Staðráðinn í að spila aftur: „Ég var nálægt því að deyja“ Útskýrði af hverju Burn var dekkaður af mun lægri manni Fyrirliði Kósóvó fór meiddur af velli „Vil ekki fara að sofa því mér líður eins og mig sé að dreyma“ Sjáðu Albert skora gegn Juventus Stefán benti á tattúið og minntist frænku sinnar Ari afmælisbarn búinn að semja við Elfsborg „Rjóminn á kökuna fyrir okkur“ Hættu leik eftir að áhorfendur kveiktu í stúkunni Liverpool leiði kapphlaupið um Guehi Meiðslin muni að öllum líkindum teygja sig inn í landsleikjapásuna Atalanta mistókst að hirða toppsætið af Inter Fulham nær Evrópu eftir sigur á Tottenham Ótrúleg endurkoma skaut Börsungum á toppinn „Við áttum skilið að vinna í dag“ United nálgast efri hlutann Hinrik farinn til Noregs frá ÍA Stólarnir sóttu sinn fyrsta sigur Albert gulltryggði sigurinn gegn Juventus Sjötíu ára titlaþurrð á enda Brynjólfur í hetjuhlutverkinu í hollenska boltanum Merino aftur hetja Arsenal Karólína Lea lagði upp mark í stórsigri Sjá meira
6 dagar í Ungverjaleikinn: Ungverjar eiga eitt vandræðalegasta umspil allra tíma Það tók ungverska landsliðið og ungverska knattspyrnu mjög langan tíma að jafna sig á útreiðinni sem liðið fékk í umspili fyrir HM 1998. 6. nóvember 2020 12:30
7 dagar í Ungverjaleik: Yfirgnæfðu „bláa hafið“ og mega fylla þriðja hvert sæti Þrátt fyrir kórónuveirufaraldurinn má búast við því að 20 þúsund stuðningsmenn verði á Puskás Aréna eftir viku, þegar Ungverjaland og Ísland mætast í úrslitaleik um sæti á EM karla í fótbolta. 5. nóvember 2020 12:30
8 dagar í Ungverjaleik: Þjálfaraferill hins eina sanna Puskás endaði á Íslandi Landsliðsþjálfaraferill ungversku fótboltagoðsagnarinnar Ferenc Puskás var á enda eftir tapleik í Laugardalnum í júnímánuði fyrir rúmum 27 árum síðan. 4. nóvember 2020 12:31
9 dagar í Ungverjaleik: Yrði jafnsögulegt fyrir Ungverja og fyrir Íslendinga Ungverjar og Íslendingar spila hreinan úrslitaleik um sæti á EM og um leið geta knattspyrnulið beggja þjóða náð sögulegum árangri í knattspyrnusögu sinnar þjóðar. 3. nóvember 2020 12:31
Tíu dagar í Ungverjaleik: Höfum aldrei unnið Ungverja án Guðna formanns Það er kannski spurning um að klæða formann KSÍ aftur í íslenska landsliðsbúninginn þegar Ísland mætir Ungverjum í hreinum úrslitaleik um sæti á Evrópumótinu næsta sumar. 2. nóvember 2020 12:31