Henderson og Sterling ekki með gegn Íslandi

Jordan Henderson og Raheem Sterling verða ekki með enska landsliðinu gegn Íslandi á miðvikudagskvöldið er liðin mætast á Wembley.

Henderson fór af velli í hálfleik í 2-0 tapi Englendinga gegn Belgíu í gærkvöldi vegna eymsla í fæti.

Sterling spilaði ekki leikinn í gærkvöldi vegna meiðsla sem hann hefur verið að berjast við í kálfa.

Báðir munu þeir snúa því aftur til félaga sinna, Man. City og Liverpool, en enski boltinn fer aftur að rúlla um helgina.

City mætir Tottenham á laugardaginn klukkan 17.30 en Liverpool og Leciester mætast á sunnudagskvöldið klukkan 19.15.

Leikur Englands og Íslands hefst klukkan 19.45 á miðvikudagskvöldið og verður í beinni útsendingu á Stöð 2 Sport 2. Upphitun hefst klukkan 19.00.