Kvöldfréttir Stöðvar 2

Næstum annar hver nemandi í fyrsta bekk í framhaldsskóla metur námsárangur sinn verri en í venjulegu árferði samkvæmt nýrri rannsókn um áhrif kórónuveirufaraldursins á líðan ungmenna. Næstum helmingur segir að faraldurinn hafi slæm áhrif á andlega heilsu. Fjallað verður um málið í fréttum Stöðvar 2.

Einnig hittum við börn og unglinga sem fengu að upplifa eðlilegra líf í dag, framhaldsskólanemar voru spenntir að mæta í skólann og börnin á íþróttaæfingu.

Rætt verður við Seðlabankastjóra um nýja spá peningastefnunefndar. Bankinn lækkaði meginvexti sína í sögulegt lágmark í dag til að þrýsta á viðskiptabanka að lána fyrirtækjum til fjárfestinga.

Einnig verður rætt við formann Landssambands eldri borgara í beinni útsendingu um áform um framtíð öldrunarlækningarþjónustu í kjölfar Landakotsskýrslunnar - eða öllu heldur skort á áformum.

Þetta og margt fleira í kvöldfréttum á samtengdum rásum Stöðvar 2, Bylgjunnar og á Vísi kl. 18:30